“اليوم الاقتصاد تتحكم فيه عائلات حسب القطاعات مدعومة بأجنحة في الادارة والمحاماة والقضاء وخاصة السياسيين”، وفق ما جاء في تدوينة نشرها رئيس كتلة الديمقراطية محمد عمار في ساعة متأخرة من مساء أمس الثلاثاء 4 ماي الجاري، أي بعد سويعات من التصويت على القانون الأساسي المتعلق بتنقيح القانون الأساسي عدد 50 لسنة 2015 المؤرخ في 3 ديسمبر 2015 والمتعلق بالمحكمة الدستورية بعد ردّه من قبل رئيس الجمهورية لقراءة ثانية بــ 141 نعم 10 إحتفاظ و15 رفض.
و في ما يلي نص التدوينة:
“العائلات تنهب والسياسيين يغطوا عليهم بمقابل، شنوة الحل الاقتراض .. نمشيوا للصناديق الاوروبية و نمشيوا نتشحتوا من صندوق النقد .. طبعا السياسيين و الاحزمة السياسية للحكومات تُرضي جماعتها و لوبياتها و تنهب و تخرج للخارج ..
تجي تتكلم تولي بيك و عليك و جاي مع الرئيس ..
باهي يا حزام الكرة في ملعبك طفيه الرئيس و خوذ قرارات ، لا احنا القرارات نكذبوا بيها على الشعب في الحملات الانتخابية و تموت غادي ، هيه و بعد .. لا بعد نكمبنوا و نلوجوا على ضحية نمسحوا فيها كل شيء ، يهديكم ربي راهي البلاد قاعدة تغرق و تورطت في الاقتراض الخارجي و الي يخدم في الوظيفة العمومية راهو يتعامل مع الدولة كيف رزق البيليك ، يبعثولك جماعتهم و صفحاتهم المشرية ” انت باراشوك الرئيس و ضد الدين و الايديولوجيا ويساري متطرف و ما تحبوش المحكمة الدستورية ، البلاد وقفتوها و عطلتونا”.. تحيا الثورة و احنا واقفين للبلاد ..
باهي كيفاش الديون تضاعفت اربعة مرات و قوانين غير دستورية و وعود وهمية و فلاحة بركت و شباب انتحر في البحر و بارك “يقمّر” في القهاوي ، هانا عملنا فصل في قانون المالية باش يولي يقمر بالقانون و الفلوس تخرج البرا ، يا اولاد العاب الرهان في الدول الكل عند الدولة ،خلينا نشجعوا الشباب على المبادرات الخاصة و انقصوا من الوضائف الوهمية راهي ناس تخلص و تخدم في حاجات اخرى ، لا انت ضد الشعب احنا نفهموا و تونس بلادنا واحنا مناضلين ..
باهي ثمة برشة فلوس في تونس و ناس متهربة من الضرايب و املاك مصادرة مازلوا يتصرفوا فيها و عندنا برشة تهريب و خنار برا و بحرا و جوا ، خلينا نرجعوا الفلوس و نطبقوا القانون .. يهدوا عليك بالذباب انت ضد الرأسمال الوطني و يتم هرسلتك حتى تصبح المسألة عادية ..
باهي يا اولادي قاعدين نستوردوا في حاجات تزاحم في المنتج المحلي و عندنا ما خير منها في بلادنا و تضيعوا في برشة عملة صعبة ، لا انت ضد تركيا و قطر و عميل ..
باهي خلينا نبسطوا الاجراءات متاع الاستثمار و انقصوا من المحسوبية خلي بلادنا تولي قبلة للمستثمرين ،لا انت عميل و يحركولك اللوبيات متاعهم و يطلبوا رشاوى مقابل اي استثمار او يتم وضع العصا في العجلة لاي مستثمر حتى يتم تحويل وجهة المستثمر لمكان اخر.
باهي ، منظومة الصحة و التعليم تنهار ،يهدوا عليك انتم و الرئيس عطلتوا البلاد و مستشفى القيروان فاشل و المحكمة الدستورية ما تحبوش تعملوها يا انقلابيين و براميل متفجرة يا جماعة القذافي و اللجان الشعبية ، نحن الثوار يا باراشوك الزغراطة يا عميل الامارات
#يوميات_مواطن_نائب”.
شارك رأيك