“الزميل، النائب عن حركة النهضة موسى بن أحمد (ألمانيا) يوصي في الزميل، النائب عن الكتلة الديمقراطية هيكل المكي (قفصة) باش “يقريني درسي”.
الحادثة صارت بالطبيعة وقت خرجت نعمل في إستراحة ب5 دقايق، الزميل موسى بن أحمد، يستغل الفرصة و يسخايب البث تقص و الميكرو تسكر.
على كل، المهم هو إنه بعيدا عن الحس و الصخب، هاو تنجم الكتلة الديمقراطية و حركة النهضة، يخدمو مع بعضهم في أمور كيما هذه ربي يسامحك زميل موسى بن أحمد، تو كيف أنا خايب و بيا و عليا، علاش النفاق و كل ما تعرضني في المجلس، تعطيني إبتسامة عريضة علاش كي نستحق دروس، تحب شكون يعطيهالي بالوكالة؟
علاش النميمة و التكنبين و الضرب تحت الحزام؟ علاش موش في وجهي، علاش إستنيت لين نخرج ؟
و شكون الي إتهمتهم بالغالط و نستحق دروس؟ تقصد في قضية مورسك الي مورط فيها حزبك و 3 سنين نخدم عليها؟ في العادة، لا ألقي بالا لمثل هذا، نحاول نحافظ على علاقة مهنية محترمة مع الناس الكل و ما ندخلش الذاتي في الموضوعي.
لكن المرة هذه، الأمر مسجل صوت صورة، خلي يعلم التوانسة إش يعاني نائب مستقل، كيفاش العداوات في التلافز و الراديوات حاجة، لكن الواقع حاجة أخرى : النهضاوي مستعد يعطي أستفيدة لعدوه لأجل ضرب من يحاول يخدم على روحه، ثم يعرضك مبتسما في البوفات. النهضاوي كي تخدم ملفاتك بجدية يجند روحه بكل السبل لضرب مصداقيتك.
هذا موش تسريب باش كتلة حركة النهضة تاخذ موقف و تطالب بالتحقيقات، هذا بث على القناة الرسمية لمجلس نواب الشعب!
لا ومبعد، يجيك شكون، يعوج فمه.. و يقول عليك نهضاوي.
الحيلة في ترك الحيل، و الي يمشي مستوي، ربي وحده يكشف المتآمرين.
موش بش نسبك زميل موسى بن احمد أما تو، كيف تعرضني في المجلس، انا بش نسبقك بإبتسامة عريضة جدا، إبتسامة :”و يمكرون و يمكر الله و الله خير الماكرين”.
رابط الفيديو: https://fb.watch/5O5n3TE6vR/
شارك رأيك