حين يغني الإرهابي جمال الريحاني الذي مر على مرأى من الجميع في مطار تونس قرطاج “يا مروّح لبلاد”.
شعر لزهر الضاوي
“يا مروّح لبلاد… سلّملي عليهم..” ؟؟
واحشني “الارهاب”..متشوّق ليهم ..؟!!
شقّيت أبحار… نحارب “بشّار”…
وراجع للدار… “أهلي”.. “نزهّيهم”..؟!! ذ
شْويّة محتار… تحت “الرادار”…
دخلت المطار… قدام عينيهم؟!!
لا طلبوا… “جَواز “..؟!!
لا حلّوا … “جِهاز”..؟!!
“طاقم” ممتاز !! “يرحم والديهم”..!!!
وبَعدو…” تحقيق”..؟!كلّو ..” تلبيق “..؟!
لا الشعب يفيق… يحتج عليهم..؟؟
يمُرّوا أيامات..وينسى اللي فات..
وإِخْوة ..وأخَوات يمدّولي إيديهم..!!!
وعَلى ظَهْرِ حَمامة” نطلع.. بِسَلامة..
على جْبَل” سمّامة”..ذ
أصحابي… نلاقيهم ..!!
نزرع ألغام… لْ “راعي أغنام”…
“أعداء الإسلام”… نقطع رجليهم..!!!!
يا “مرّوح لبلاد ..سلملي عليهم”..؟؟؟ ذ
(قفصة في 25 جوان2120).
شارك رأيك