“فهمتو اليوم علاش القصرين والشعانبي ارتبط اسهم بالارهاب؟ فهمتو علاش القصارنية اللي يعيشو بجنب الشعانبي وسمامة ومغيلة يا يتذبحو يا يتفجرو بالالغام حتى لليوم؟ فهمتو علاش الارهاب مازال يرتع في القصرين؟
“تقرير تفقدية وزارة العدل اللي قدمتو هيئة الدفاع على الشهيدين يثبت أنو كانت فمة ارداة قضائية من القاضي بشير العكرمي المشرف على القطب القضائي لمقاومة الارهاب وارادة سياسية من النهضة اللي تحمي فيه بأنو القصرين لازم يعشش فيها الارهاب والارهابيين باش يستعملوهم وقت اللي يحبو.
أش معناها 46 محضر تبعثهم محكمة القصرين للبشير العكرمي تتعلق بالانتماء لجماعة إرهابية لا ينظر فيهم ولا يسجلهم؟ معنتها على اقل القليل فمة 46 إرهابي في القصرين محميين. وطبعا العدد أشنع على مستوى البلاد.
أش معنتها 9 محاضر متعلقة بمهاجمة ارهابيين لمنازل مدنيين في القصرين وسرقتهم وتهديدهم بالقتل توصل للقطب القضائي والبشير العكرمي لا يسجلها ولا يتابعها؟
أش معنتها القضاء العسكري يحيل ملفات على التفجيرات والالغام للقطب القضائي وما يحيلهاش البشير العكرمي وما يضمنش الاختبارات على المتفجرات لملفات القضية اللي ماتو فيها مواطنين وجنود في الشعانبي وفي سمامة وغيرها؟
هاذي راهي معلومات رسمية صادرة على تفقدية وزارة العدل في خصوص قاضي النهضة بشير العكرمي وموش تخمينات…
طبعا ملفات التغطية على الارهاب تهم تونس الكل، لكن العش الكبير المحمي موجود في القصرين…هذا المصير اللي قرراتو النهضة للقصرين…”.
شارك رأيك