بعد اعلانه يوم أمس الجمعة عن اصابته بفيروس كورونا، نشر “شموسة” كما يحلو للتونسيين تسميته لايف من بيته بالنصر و كان يرافقه صديقه، هو الآخر :امكورن”.
و كتب على صفحته الرسمية بالفايسبوك ما يلي مطمئنا محبيه عن حالته:
“صباح الخير أحِبّتي… قالولي ماتكتبش علي الباج إلّي آنا مريض و ضربتي الكورونة الملعونة طو يتشمتو فيك الأعداء !!!
ياخي هاني مكورن و تاعب برشا و سامحوني كي مانيش نجاوب فيكم و انشالله كي نرتاح تو نقلكم كيفاش تعديت …
ناس ماعادش تخاف ربي إدعيولي إدعيولي إدعيولي ربي يفرّج عليّا …. والله دعاكم مقبول بالطبيعة بعد دعاء فطومتي “.
و في اللايف، قال انه يخضع حاليا للحظر الصحي و ان 90% من الفنانين الذين يحبهم لم يسألوا عن حالته و يحمد الله انه لم ينشر العدوى لمن حوله و لوالدته و ان حرارته التي بلغت 40.5 قد انخفضت وهي حاليا في حدود ال39.9. و أن له اوجاع في الراس و البطن و انه يتبع نصائح الطبيب في ما يخص الادوية و الفيتانينات كما انه يستهلك الكثير من التيزانة و العسل… شفاء عاجلا يا فنان!
و قبل ظهور عوارض الكورونا بيوم، كان قد نشر شمس الدين باشا ما يلي على الفايسبوك”
“يا رب إشفي مرضانا و أحمي بلادنا و قوي أطباءنا و مساعديهم من الطاقم الشبه الطبي و أحمي السلك الأمني من شرطة و حرس و جيش و حماية مدنية و قواة مختصة و الديوانة التونسية و الفنان و المعلمين و الأساتذة و كل تلاميذنا ربي ينجحهم و ربي يحميهم وليداتنا …. الحكومة و الأحزاب يا رب حنن قلوبهم علي شعبهم الضعيف المهمش يستناو منكم في حلول جذرية و عادلة والله ناس زواولة يحبو يعيشو في بلادهم بكرامة و هذا واجب الحكومة و كل الأحزاب و ربي يحمي بلادي من الوباء و الغلاء وانشالله تنزاح علينا الكورونا …. قولو آمين”.
شارك رأيك