لماذا ينخرط الزميل العياري فى صناعة الاخبار الزائفة وهو يعلم ان الاتفاقية المشؤومة امضاها امين عام حركة النهضة سنة 2019 بعد خروجي من الحكومة ب 8 اشهر !!!، يقول النائب المبروك كرشيد في تدوينة فايسبوكية في ساعة متأخرة من الليلة الفاصلة بين السبت و الاحد 4 جويلية الجاري حول ما سماه مغالطة او كذب او ما شابه ذلك.
و يضيف مفسرا
“نشر الزميل النائب يسين العياري على صفحته بالفايس بوك ان اتفاقية قطر المشؤومة تم امضاؤها من حكومة يوسف الشاهد عندما كنت وزيرا لاملاك الدولة والشؤون العقارية .
الخبر زائف تماما
الاتفاقية تم امضاؤها فى 12 جوان 2019 ( الوثيقة مرافقة ) اي بعد مغادرتى الحكومة فى شهر نوفمبر 2018 والجميع يعرف ذلك .
وتم امضاؤها فى عهد حكومة الشاهد النهضة و من طرف الوزير زياد لعذاري وزير التعاون الدولى والأمين العام لحركة النهضة وقتها في مخالفة صريحة لاحكام القانون .
السؤال المتكرر: لماذا يعمد بعض الزملاء الي نشر اخبار غير صحيحة وعارية عن الصحة تماما .
اذا كان مبناه الخطأ فقد صححت له ،وإذا كانت غايته صناعة خبر زائف فهذه الوثيقة كافية للرد .
و في ما يلي ما كتبه العياري المقرب من النهضة:
حول إتفاقية الصندوق القطري،
بعض الحقائق :
- أول اتفاقية إقتصادية بين تونس و قطر تعود لسنة 1982
- الصندوق ينشط من 2002.
- الإتفاقية صححها يوسف الشاهد في 2019 في عهد المرحوم الباجي قايد السبسي، المذكرة الي تبنات عليها الإتفاقية توقعت في 29 نوفمبر 2016 و الزميل مبروك كرشيد وقتها وزير و المحترمة سعيدة قراش مستشارة في القصر الرئاسي.
-المجلس الوزاري الذي صادق على تمرير الإتفاقية بالبرلمان في ديسمبر 2019 فيه كمال مرجان (مبادرة) سمير بالطيب (مسار)
- الإتفاقية تناقشت في اللجنة في عهد حكومة إلياس الفخفاخ، الي حزامه وقتها تيار و شعب.
- نص الإتفافية منشور و متوفر للعموم.
- نفس الإتفاقية و البنود الي فيها هي متع GIZ الالمانية و ال USAID و AFD الفرنسية و منظمة الفرنكوفونية (الي تنشط عندها عقود في تونس و إتفاقيتها تعدات الدورة البرلمانية هذه).
- الصندوق دعم 30 startup تونسية بقيمة 26 مليار.
- الصندوق بنى مركز نموذجي لتحويل المنتاجات الفلاحية.
- الصندوق دعم 20 تعاونية فلاحية و مول حفر 22 بئر عميقة.
- الصندوق بنى 50 مسكن إجتماعي في الكاف و 98 في المهدية و سيدي بوزيد و القيروان.
- الصندوق بنى مجمع سكني في السيجومي فيه 800 مسكن إجتماعي.
- الصندوق عطى 70 مليار قروض ميسرة مباشرة لدعم المؤسسات الصغرى.
- الصندوق بنى و جهز بالكامل 10 مستوصفات.
- الصندوق بنى 5 مدارس في أماكن نائية.
- أكثر من 100 مليون دولار قيمة إستثماراته في تونس و خلق 70 ألف موطن شغل
نزيد، للمقارنة :
قيمة الإستثمارات القطرية في فرانسا، في الشركات المدرجة في بورصة cac40 توصل 7,6 مليار أورو :
- 13% من lagardere
- 7% من Vinci
- 5% من Total
4 مليار يورو إستثمارات عقارية (وتلة كيما Royal Monceau الليلة فيه ب 6000 أورو و وتيل Concorde Lafayette..)
نحكيو على الPSG ؟ على Le printemps ؟
زعمة فرانسا و إستخباراتها و بورصتها ما فاقوش بيهم؟ فاقوا بيهم الشلايك الي عندنا؟؟
و هذه فقط فرانسا، نحكيلكم على ألمانيا و اللكسمبورغ؟
تي قطر تملك 17% في فولسفاكن، كيفاش إمالة شلايكنا أكثر فهم و وطنية من أنجلا ميركل؟
خلي نجيو من حيث المبدأ، إذا الإتفاقية إستعمارية و تمس من السيادة الوطنية، فيجب إلغائها و إلغاء كل الإتفافيات المماثلة مع جميع الدول، هكة و إلا لا؟ تي جاوبوني 🙂
حقة، الإتفاقية مافيهاش، تملك الأراضي الفلاحية!
نزيدكم، البند متع العمالة الأجنبية عادي جدا! ياخي GIZ تجيب مدير ألماني و ال AFD مديريها فرنسيس.. تي هي Tunisair كي تحل agence في الخارج تجيب مدير تونسي من تونس!
في الإخر، نفس البنود، جماعة الكرامة عملوا طاولة و كراسي على الفرنكوفونية و صوتوا على هذه و الأخرين عملوا طاولة و كراسي على هذه و طفاو الضو على الأخرى!
نفاق بدورو إديولوجي شعبوي رخيص ما يحطش مصلحة تونس قدامه!
صوتت مع الزوز إتفاقيات لأني قدرت إنه فيهم مصلحة لبلادنا! و سعيد بتصويتي و فرحان بيه و كان عن قناعة و تفكير و تمحص بعيد على التوتر و الرقص على تار بوفلس متع أختااااااااااااه إحذرييييي 🙂
كنائب مسؤول، ما يهمني و ما يعنيني هو مصلحة بلادي التي أقسمت على الحرص عليها، كان ثمة نواب ما عندهاش الشجاعة باش تواجه الجهل و البهامة و تختار تصويتها شعبويا على حساب مصلحة تونس، الحمد الله لست منهم!
هذا الصندوق، فيه منفعة لتونس، شروطه عادية و خذات كيفها كل المنظمات و الصناديق.
كل المعطيات المذكورة أعلاه متوفرة على الأنترنات، أي شخص صادق ينجم يثبت منها.
تو هل النهضة سمسارة؟ نعم، دائما، من أول الدنيا و إلى يوم يبعثون.
نحاربوهم موش على حساب مصلحة بلادنا! كيما نحاربو سمسارة الإمارات الي مستعدين يحطو صوابعهم في عينين بلادنا لأجل من يدفع أكثر!
راهو ثمة ناس كي القرضاوي يجيبو بن علي يولي باهي، نفس القرضاوي يولي خايب مبعد 🙂 نفس القرضاوي راهو !نفس الكذابة الي يقولوا الأمريكان يتجسسوا على المجلس بال NDI و بعد يمشيو يتشلقحوا يتصوروا مع سفير الأمريكان الي قالو يتجسس علينا 🙂 هوما بيدهم متع حزب الليكود الدستوري الحر : مع القضية الفلسطينية تفليما و لما تعرض تسريع تجريم التطبيع على مكتب المجلس صوتوا ضد 🙂 !
هاذوكم منافقين بودورو، يهمهم ال bailleur de fonds متاعهم، أكثر من مصلحة تونس، نحبك فايق ولد أختي، حل google و ثبت وحدك ما تخليهمش يزكموك، هاني فسرتلك و بالفلاقي!
الا لااا لاااا لاااا أح أح لاااااا لاااا لاااا أح أح لم تكن مسرحية لأجل الوطن كيما غلطوكم، كانت مسرحية لأجل أنفسهم ضد مصلحة الوطن.
سلاما!”
شارك رأيك