الرئيسية » الوافي: يا سيد كادوريم، ماكش باش تعلم الوطنية للتوانسة و انت على كل دينار، دعاية و تلافز و كومينكاسيون

الوافي: يا سيد كادوريم، ماكش باش تعلم الوطنية للتوانسة و انت على كل دينار، دعاية و تلافز و كومينكاسيون

في كل أزمة و في كل مرة، يدخل كادوريم على الخط كفاعل خير وهو يسوق لصورته عبر الاعانات التي يتقدم بها للجهات المنكوبة سواء في جائحة الوباء حاليا او على اثر كوارث طبيعية جدت منذ سنتين.

منذ اكثر من سنتين و كادوريم على خطى نبيل القروي و جمعية يرحم خليل و في رأسه هدف واحد، السلطة عبر اصوات الضعفاء، هذا ما فهمه الشعب بعد اكتشاف حقيقة القروي و متاجرته بدم ابنه و علق عليه اليوم الاعلامي سمير الوافي توقيا من لدغة اخرى اسمها كادوريم و نشر تدوينة فايسبوكية جاء فيها ما يلي:

“يا سيد كادوريم عاون بلادك وناسك من غير مهرجان وبروباغندا وحملة وكاميرا وراك وطيارة خاصة وتابي روج…يرحم والديك…من غير ما تحاول تحسسنا أنك إنت الوحيد اللي عاونت…فمة شكون عاونو أكثر منك من غير دعاية لأشخاصهم…

– فمة طبيب تونسي كبير في سويسرا جاب بمليار تجهيزات ومساعدات…سمعنا بفعلو من غير ما نحفظو إسمو والا نشوفو وجهو…

– وفمة رجل أعمال في سوسة عطى لسبيطار واحد نصف مليار من غير ما يقول حتى ربع كلمة…فعلو حكى عليه…

– وفي زغوان مثلا…فمة شكون عمل وحدة كوفيد ب 300 مليون وما حبش حتى يتصور وإلا ينشرو إسمو…!

– وفمة برشة توانسة في الداخل والخارج يعاونو في السبيطارات كل يوم…وأنفقوا مليارات على أقسام كوفيد…وفمة زادة جمعيات صارفة مليارات من غير شخصنة فجة ومبتذلة…وعملو مستشفيات ميدانية مجهزة كاملة…وفمة اللي عاونوا من غير لا نسمعو بيهم لا نشوفوهم وكان موش هوما راك ما خلطش على البلاد صامدة وتقاوم لتوة بعد عجز الدولة…!!!

يعني ماكش باش تعلم الوطنية للتوانسة…والخير لقلوبهم الكبيرة…والا تزايد عليهم في الوطنية…وما عطيتش أكثر منهم…عاون برقيّ وترفع وصمت نبيل…وانت كل مرة حسّك سابقك وزغاريدك أكثر م الكسكسي…وإخراج سينمائي لكل كردونة تمدها…وتلافز وكومينيكاسيون ودعاية صاخبة…يا أخي شكر الله سعيكم…لكن لا تحول العمل الخيري إلى دعاية لشخصك…وكأنك الوحيد والفريد الذي يساعد ويتبرع…ولا أحد ينافسك في الوطنية…وكل دينار تدفعو تعمل عليه كليب…!!!”.

شارك رأيك

Your email address will not be published.