ردا على الحملة التي يقوم بها هذه الأيام ما يسمى بالذباب الازرق التابع للنهضة لفرض شرعية صندوق التعويضات (يقال ان هناك من بين المنتفعين اسماء تثير الجدل)، مستشهدين بتصريحات مناضلين لا علاقة لهم بالحركة الاسلامية في ظروف اخرى، رد مساء امس الاثنين 12 جويلية، النائب السابق صحبي بن فرج على ما تم ترويجه في حقه بما يلي على صفحات التواصل الإجتماعي بالفايسبوك:
“المكينة الاعلامية والفيسبوكية متاع حركة النهضة تستعمل في فيديو قديم متاعي يرجع الى ديسمبر 2018، على أساس أني قلت أنو صندوق الكرامة متاع التعويضات هو مطلب دولي وتمويله دولي من الدول المانحة الذي تفرضه على الدول الديموقراطية الكل، ولا دخل للدولة التونسية فيه
أولا، الفيديو المنشور يعود الى 2018 في قلب المعركة مع مجموعة حافظ قايد السبسي في نداء تونس، ولا علاقة له لا من بعيد ولا من قريب بالنقاش الدائر حاليا حول تفعيل صندوق الكرامة في طنبك عام الوباء والغباء وقلة الحياء رابط الفيديو، وثبتو مليح من كلامي ومن اطار النقاش
https://m.facebook.com/story.php?story_fbid=342811339888026&id=100024774884116&sfnsn=mo
ثانيا، كلامي في الفيديو واضح وليس فيه أي جملة او فكرة من التي وردت في النص المرافق للفيديو ولا في التدوينات المنشورة ولا علاقة للفيدو القديم بالنقاش الدائر حاليا ثالثا وأخيرا، توة بجاه ربي، بجاه سيدي بلحسن، القيادة متاعكم تقوم تطمز عينيها بيديها، وتستفز الشعب التونسي وتعطي ultimatum للحكومة من أجل الضغط عليها وإبتزازها وتحط القواعد والمنخرطين متاعها في مواقف بايييييخة في مواجهة الرأي العام بحيث تخرّجهم في أبشع صورة ممكنة وفي الوقت هذا بالذات متاع الميزيريا والفلس والوباء والموت والاختناق………،
كي القيادة متاعكم تزلّط وتغفّص وتلبّز، وتستعمل فيكم حطب محرقة في معاركها السياسية وصراعاتها الداخلية، وما يهمهاش فيكم وفي منظركم قدام الناس، تقومو انتوما تكذبو عيني عينك على خلق ربي وتستعملو في إسمي باش تبيّضو التخلويض متاعها؟؟؟؟؟ لا حول ولا قوة الا بالله، تي سيبونا وأخطاونا بجاه ربي من ذنوبكم”.
شارك رأيك