في رسالة مفتوحة وجهتها اليوم الثلاثاء 10 أوت 2021 للرئيس قيس سعيد، عبر تدوينة نشرتها على حسابها الخاص بالفايسبوك، قالت نزيهة رجيبة الناشطة السياسية و المدونة ما يلي حول عدم وضوح الرؤية في ما بعد قراراته الاستثنائية في 25 جويلية 2021 :
“سيادة الاخشيدي (على سبيل الاستباق)
…هانا تورطنا معاك وقعدنا ناكلو في السب من جماعة تقديس الدستور والقانون وخاصة من الجماعة اللي يعتبروا الخوانجية عنوان الديمقراطية …تورطنا معاك لسببين الاول هو اللي نقراووه في شخصك من الاستقامة والأمانة والثاني هو اقتناعنا…لا بل شبه اقتناعنا بأن الدستور #كلام في نهاية التحليل وانو مثل كل كلام #حمال_اوجه وانت أولتو واجتهدت فيه #لانقاذ البلاد من وضع متعفن بالحق ومرشح لمزيد التعفن ولولا معاينتنا لهذا الخطر لكنا اشد عليك من النهضة وعبير واشباههم
تحب تنقذ تونس؟ يرحم والديك
عطيت لنفسك مهلة قابلة للزيادة؟ موافقين اما بشروط ماناش مش نتنازلو على حتى واحد منها
اولا ..ونزيد نكررها..ما تطولش المدة ياسر على خاطر الاستثنائي من خصايصو انو ما يلزمش يدوم ماكانش يولي دايم وفيه استدراج للشعب باش يتنازل على مكتسباتو ثانيا ..كل شيء تعملو ..وخاصة حبس الناس او حرمانهم من حريتهم ….يلزم يكون مفسر ومعلل باش يفهمو الشعب وما يستغلوش مناوئيك
ثالثا …يلزمنا نحسو ونراو اللي انت تستشير في اهل الرأي والعلم قبل الاقدام على اي اجراء لان هذه النخبة قادرة على مساعدتك على الاختيارات الصائبة وخاصة على ايجاد مخارج قانونية مقبولة ومقنعة وقادرة على ارجاعنا للمسار الدستوري الديمقراطي…او بعبارة أخرى ماتنفردش بالقرار رابعا …ما يلزمش المساس بالحقوق والحريات مهما كانت الظروف….ووجود الاحزاب هو من الحقوق والحريات
_الشرط الخامس ..وهو الأهم :
وافقناك على اتخاذ قراراتك الاستثنائية باش تصلح ما هو موجود وموش باش تغير كل شيء و تفرض مشروعك الخاص..
.. ما زال عندك الوقت باش تعرف بمشروعك في عقلك …اما موش في هذا الوضع الاستثنائي اللي تمسك فيه أغلب السلطات باش #تنقذ البلاد وموش باش تجرب فيها افكارك وافكار اتباعك…
ماناش فئران تجارب
…….مع الشكر”.
شارك رأيك