على خلفية ضبط صباح أمس الثلاثاء 10 أوت 2021 قاضية بحوزتها عملة أجنبية و عملة تونسية بما قيمته 1.5 مليار على مستوى الطريق السيارة مساكن- الجم، و حملات التشويه للقطاع ككل من طرف رواد صفحات التواصل الإجتماعي بالفايسبوك، كتب الاستاذ المحامي ياسين عزازة ما يلي في تدوينة نشرها على حسابه بصفحات الفايسبوك:
“حسب اعتقادي إذا صلح القضاء سوف ينصلح حال البلاد و العباد ..
بربي يزّو بلا حساسيات المحامين و القضاة نعرفو مليح إلّي الفساد نخر القضاء ولّي الرشوة و الفساد ضارب بأطنابها ولّي غالبا كل قاضي مرتشي فمة معاه محامي كان واسطة في الرشوة مالا الطيب راشد الرئيس الأول لمحكمة التعقيب مثلا بالكشي وحدو وحدو كسب المليارات و العقارات و بشير العكرمي زادة موش وحدو في الملفات معاه قضاة و محامين و عديد الملفات الشهيرة مثل ملف نبيل القروي و ملفات بعض رجال الأعمال و السياسيين …
مقاومة سرطان الفساد داخل المنظومة القضائية ما تجيش بالقطاعية و ما تجيش بالإصطفاف و ما تجيش بأنصاف المواقف اليوم المفروض ينخرط قضاة و محامين و عدول تنفيذ و عدول اشهاد و غيرهم لأن الهدف واحد ، اليوم يا نحبو نصلحو الحال و كل واحد يتحمل مسؤولية افعاله و يتحاسب في اطار محاكمة عادلة تُضمن فيها حقوق الانسان يا ماعادش بش تقوملنا قايمة…
ضيعنا فرصة 2011 لإصلاح القضاء و العدالة و ميلزمش نضيعو فرصة 25 جويلية دعوة لجميع الشرفاء قضاة و محامين و عدول تنفيذ و اشهاد و محاسبين و خبراء و أساتذة جامعيين لوفقة من أجل عدالة حقيقة للتوانسة و من أجل قضاء و منظومة عدالة مستقلة و محايدة فعلا و ليس شعارات مفرغة..
طبق القانون
نحبو عدالة”
شارك رأيك