بالنسبة لسامي الطاهري، الأمين العام المساعد لاتحاد الشغل، عدم الإعلان عن حكومة للتفرغ لإدارة شؤون البلاد و العباد أصبح أمرا مقلقا و كل تأخير أو انحراف هو فرصة للمافيا و و للوفاق الإجرامي و للعصابات في جميع المجالات لتعود من جديد و تتمسك بالبلاد…
و في تدوينة فايسبوكية، عبر الطاهري اليوم الاثنين 30 أوت 2021 عن مدى قلقه بعد مرور أكثر من شهر و تونس بدون حكومة، و كل الخوف، هو عودة المافيا من جديد للتحكم في جميع مفاصل الدولة اذا ما استمر الحال بهذه الشاكلة:
“شنوة توة؟
ما ثماش مافيا في البلاد؟ ما ثماش كارتيلات؟ ماثماش عصابات؟ في السياحة والغذاء والبناء والسيارات وقطاع الغيار والمقاولات والبنوك والتأمينات والصحة والدواء والماء والبذور ومسالك التوزيع وغيرو..
مافيات ووفاق إجرام..
مانعممش أما البلاد ما وصلت لها الحالة إلا بها المافيات وغطاهم السياسي والبرلماني..
بسببهم باش نفقدوا شوية الحرية والحقوق بدعوى مقاومة المافيا..
مانيش باش نسلم ونقول واش يعمل الميت قدام غسالو؟
نقول يا إما وضوح وخارطة طريق، أي خارطة طريق حسب علوم السياسة موش الجغرافيا، وحكومة، أي حكومة سميها ما شئت، ومزيد من الحقوق والحريات وضمانات احترام الدستور أو.. البربرية..
كل تأخير أو انحراف هو فرصة للمافيا..”.
شارك رأيك