قالت رئيسة الدستوري الحر عبير موسي للمكلفة بتشكيل الحكومة نجلاء بودن بادارة ذا المنصب الذي تم اختيارها له مؤكدة أنه لايمكن لأحد أن يتزايد على الدستوري الحر في دعمه لتقلد المرأة التونسية أعلى المسؤوليات في الدولة.
و أضافت عبير موسي في الكلمة التي ألقتها مساء اليوم الأربعاء امام العديد من قياديي الحزب أن “من حيث المبدأ مانجمو إلا ندعموا وجود المرأة التونسية على رأس الدولة أو الهيكل التنفيذي ونثمن وجود للمرأة التونسية في الموقع الأول القيادي”..
وتابعت موسى كلامها، مؤكدة انها تتصور أن نجلاء بودن هي ثمرة الدولة البورقيبة والدولة الوطنية و ثمرة المجهودات التي قامت بها الدولة التونسية لفائدة المرأة ولها مسار مهني مشرف.
اهم ما جاء في كلمة عبير موسي نشرتها عبر تدوينة على صفحات التواصل الإجتماعي تحت عنوات
“موقف الحزب الدستوري الحر من تعيين رئيسة حكومة”.
— السيدة نجلاء بودن ثمرة مجهودات الدولة الوطنية البورقيبية نهنيها مع التحفظ و أعلن تضامني معها٧
كنا نتمناو تكون السيدة نجلاء بودن رئيسة حكومة٦٦ حقيقية قادرة انها تصوغ البرنامج متاعها، انها تحدد الأولويات متاعها، انها تظبط الأهداف متاعها، انها تعين من تراه مناسب في تولي الحقائب و المسؤوليات.. للأسف السيدة نجلاء بودن عندها عنوان رئيسة حكومة لكن بالأمر 117 يعطيها درجة أقل من كاتب دولة لدى الرئاسة وحتى الوزراء و كتاب الدولة في حكومتها يعينهملها رئيس الجمهورية و هو إللي يظبط السياسة العامة للدولة و الحكومة
رئيس الجمهورية جرد السيدة نجلاء بودن من كل الصلاحيات و كتفلها ايديها.. يحب يحطها في الواجهة و يورطها و بالتالي هي تتحمل المسؤولية و يرمي فشله عليها في نجاح السيدة نجلاء بودن فتح آفاق للمرأة مستقبلا لتتولى المواقع القيادية الأولى و في فشلها سيغلق الباب أمام نساء تونس و سننعت جميعنا أننا فاشلات لإدارة الدولة اذا الحكومة السيدة نجلاء بودن ان ترى النور و تؤدي اليمين على الفصل 89، اطلب منها (02) قرارات أول ما ٧تدخل القصبة:
تعيط للكاتب العام للجمعيات و تمضى على غلق وكر القرضاوي
وزيرة المرأة اللي بش تتحط تعمل لها مراسلة و تقلها تقدم شكاية ضد المجرمين إللي مارسو العنف ضد المراة في البرلمان… وقتها تنجم تكون مطمئنة اننا ماناش بش نخليوك يتحكم فيك، ماناش بش نخليوك يتستر وراك، ماناش بش نخليوك وحدك و ماناش بش نخليوك يمسحوا يديهم فيك.. بش ناقفوا و نعارضوا وين نلقاو بش ياخو قرار من وراك و ننقذوك لأننا نساند المرأة التونسية
شارك رأيك