تعليقا على ما صرح به رئيس الجمهورية قيس سعيد مساء اليوم الخميس 21 أكتوبر 2021 خلال اشرافه على المجلس الوزاري الثاني منذ تنصيب حكومة نجلاء بودن يوم 11 من الشهر الجاري، نشر الاستاذ المحامي خالد بن سعد، قيادي في حركة المشروع، تدوينة على صفحات التواصل الاجتماعي و جاء فيها ما يلي:
“يا سيدي الرئيس ربي ينصرك:
توة انت عملت المرسوم 117 وعندك كل السلطات وما ادراك ما نتصورش باش تحرم نفسك وتحرمنا من الحقيقة:
اولا: السيد الي خذا 500 مليون دولار يا بو قلب اشكون؟ بالاسم الثلاثي رجاءً
ثانيا: اشكون الدولة الصديقة المسكينة الي تكعبرتلها وخسرت هالمبلغ الضخم جدا
ثالثا: كيفاش هالدولة عطات هالفلوس المخصصة لتونس الى شخص؟ ماهو المفروض فمة اتفاقية دعم او تعاون والفلوس تتعدى من خلال البنوك المركزية؟
رابعا : يعني أما الفلوس دخلت عن طريق بنكنا المركزي والبنك حطها في كميون ومشات السيد المعني؟ والا الدولة الصديقة تصرفت هي زادة في فلوس شعبها بطريقة غريبة واعطاتهم لشخص موش للمؤسسات المالية التونسية. وقتها الدولة هذي سيد الرئيس يظهرلي حتى هي فاسدة. وهذا سبب اضافي تقوللنا عليها اشكون.
خلينا نسكروا باب الاشاعات ونعرفوا اشكون نحاسبوا ونفهموا زادة واحنا معاك…المهم الهدرة بالاسامي والتفاصيل.”.
شارك رأيك