يعلق مجدي الكرباعي، نائب مجمد عن التيار الديمقراطي على وضع تونس و بيئتها و نفاياتها و ما آلت اليه البلاد التي لم تجد مخرجا بل هي في طريق مسدود.
حول موضوع الساعة الشائك، يستغل النائب الفرصة للتذكير بما قام به و يدون اليوم الثلاثاء 9 نوفمبر ما يلي:
“نائب الزبلة
مرة و أنا مستدعي في قناة تلفزية عندي مداخلة عن بعد عاد مازلنا في off و ثمة تقنية قالت :
- “ياخي هذا نائب متاع الزبلة ” مش في بالها مازلت مانيش en ligne ولكن أنا وقتها سمعتها و جاوبتها :”ايه نعم” هي حشمت أما أنا ما قلقتنيش الكلمة والله بالعكس عجبتني .
- حتى برشة ناس في العالم الإفتراضي وقت ننشر #أخبار * زبلة إيطاليا، نقرى تعليقات من نوع “نائب الزبلة” صدقوني ما تقلقنيش الكلمة .
- لاني كيف نشوف حال البلاد اليوم و مشكلة أنها تتصرف في زبلتها و قت نشوف زبلة عندها 40 يوم ما تهزتش و مسؤولين تدخل في زبلة دول أجنبية في صفقات مشبوهة ، وقت نشوف بلادي غارقة في الزبلة و في سوسة مازلت 282 حاوية ب 7900 طن جاية من إيطاليا و المسؤولين على تدخيلها في عوض يقع محاسبتهم بل يقع ترقيتهم , ايه نعم ترقيتهم .
- لي الشرف أن أكون نائب الزبلة لأنها عرات و خلات رائحة فسادكم تخرج .
نائب الزبلة”.
شارك رأيك