خلال النقطة التنويرية التي بثتها كعادتها على المباشر بصفحتها الرسمية بالفايسبوك، انتقدت عبير موسي الثلاثاء 30 نوفمبر 2021 كل ما يحاك في الظهر و على جميع الدرجات”.
و في ما يلي اهم ما جاء في النقطة التنويريرة:
علي لعريّض اليوم أصبح يتصدر في البلاتوات.. (و يقولولنا هانا انّحيو في الخوانجية)
البلاتوات هي نفسها متع 2011 و متع 2014 و متع 2019 و2021
اليوم مستشار متع قائد السبسي إللي كان ساكت وقتها يخرج في بلاتو من البلاتوات يحكي لا عودة لما قبل 25 جويلية.. الكلهم تقلبوا توّة و ولاّو يقولوا “لا عودة لما قبل 25”.. على الأقل استعرفوا باغلاطكم
فمْة توّة ناس بقدرة قادر قامتلهم نعرة الدستوري و يحبّوا يعملوا حزب بعيد على “الزعامتية”
اليوم ما تسمع كان هاو مراسيم و هاو امر رئاسي و لا فمْة بوادر متع ميزانية 2022 ولا فمْة حلول للكارثة البيئية و لا الاقتصادية و لا الاجتماعية
رئيس السلطة القائمة خلّى الغنوشي في وضعية مريحة و خلّالو صفة رئيس برلمان و هاكم ريتوا الغنوشي بعث وفد برلماني شارك في مدريد
أنا عبير موسي أطالب بحقي كعضو مكتب المجلس مكلف بشؤون النواب و نحب نفهم بأي حق الغنوشي يكلّف وفد برلماني
النظام الداخلي (الفصل 56) لا يسمح لرئيس البرلمان تشكيل وفود التي تمثل المجلس.. الوفود يشكلها المجلس و أحنا ما فمْاش مكتب
مجلس انعقد.. المجلس معلّق و ما يخدمش
كتلة الحزب الدستوري الحر لا تعترف و لا يمثلها الوفد البرلماني المشارك في مدريد و الكتلة بش تشكي و بعث عن طريق عدل منفذ تنبيه للغنوشي في التدليس و التحيّل على مؤسسة دولية
القانون الانتخابي الأعرج يقول مخالفات مالية و العقوبة خطيّة تصل إلى 50 ضعف و يفقد الأعضاء عند ثبوت التمويل الأجنبي عضويتهم في المجلس هذا بالنسبة للتشريعية و القضاء العدلي يعاقب ب 5 سنوات سجن بالنسبة للرئاسية.. ما فماش حكاية السقوط متع 3 سنين و ‹
لذا يا رئيس السلطة القائمة كان عينك بش تسقّط القائمات راك سقّطها.. لماذا يصرّ رئيس السلطة القائمة بش يعطي شرعية للخوانجية و يعطيهم فرصة لعب دور المظلومية
قعدنا فضيحة في العالم من الشكشوكة إللي صايرة
رئيس السلطة القائمة عندو الملفات الحقيقية و عندو الصلاحيات و “الريشة” متاعو ينجم يقطع الدابر متاع الخوانجية
رئيس السلطة القائمة مدخلنا في متاهات و أفق مظلمة: التمويل الأجنبي واضح عن طريق الجمعيات المشبوهة.. علاش رئيس السلطة القائمة ما يحبّش يصنّف تنظيم القرضاوي و جمعية قطر الخيرية تنظيم ارهابي توة يوفى المشكل
…………………….
تحذير: الحزب الدستوري الحر ما يقبلش بحكاية اللجنة و المراسيم على المقاس و ما يسمحش بش تصادروا حقو و يزيو من الضحك على الذقون.. ما زاد على ذلك فهو استبلاه للشعب التونسي…
المصدر: صحف اجتماعية للحزب الدستور”.
شارك رأيك