-” تبزيع الشكشوكة”-
لم يكن يدور بخلدي اطلاقا ان ارد على الهراء الذي عارضني به “الثعلوب”/فهو لا يستحق الرد/ لولا هذا الشيخ الوقور الذي اعترضني في سوق المدينة والح عليّ الحاحا باللهجة القفصية ..”بجاااااه ربي بزّعلَهْ
شكشوكتَهْ..”؟؟؟..فاستجبت.
يا “ثعلوب” برّا امشي اخطاني..
“شارج تليفوني”.. طايح..؟!
وانت خلقك ربي “اخواني”..
و”الاخوان” ك”الجلد الرايح”..
كل نهار تزيد ريحتهم..
والشعب كشف حقيقتهم..
يا”راجل”.. مرخس همتهم..
ما يعيشوا كان عالفضايح..؟!!
كاس الشعب عليهم فاض..
و”لعريّض” بطّل يعراض..
وانت هاك تخدم “بيّاض”..
للخمّاج وريقك شايح..؟!
شوف آنا وعلاش سألت..
في بالي قلت: “استقلت”..؟؟
وانت كالعادة خاتلت..
لواه تخلي قدرك طايح..؟؟؟
..ياناري ياناري عليك..
السع “شباب.. وسامباتيك”..
برشة ناس تغرّوا فيك..
واليوم ماعندك وين رايح..؟!!
اليوم لازم توفى “المعبوكة”..
ولازم تبزيع “الشكشوكة”..
وبيكم باش تغرق الفلوكة..
و”الرّسلة” توْ ضال تتصايح..!!!
يا”ثعلوب”.. برا امشي اخطاني..
شارج “تليفوني”طايح..؟!!
( قفصة 2022/01/08)
شارك رأيك