منذ وقوع الحادثة في الليلة الفاصلة بين الجمعة و السبت 30 افريل 2022، و الجدل قائم حول الحبيب باي، الشاب الذي وجد موردا للرزق ببيعه كسكروت، و لأن ما يعرضه جيد، يتوافد عليه الحرفاء من دون غيره ليضطر الباعة في الحي بتحسين ما يبيعونه. نزار الشعري مؤسس منظمة تونيفيزيون و قرطاج الجديدة علق بما يلي:
“كيف تكون تعيش في بلاد لا ترحم لا تخلي رحمة ربي تنزل كيفاش تحب شبابها يقعد فيها … احنا كل يوم نعملو في المستحيل باش نرجعو الأمل لشباب تونس في بلادهم … و يجي السيستام المتوحد المتوحش والاناني يفسخ كل شيء بجرة قلم ويخسر عليك كلمة : ممنوع … ممنوع تعيش هنا.
ممنوع تحلم … ممنوع تخدم … ممنوع تبني. كرهتو العباد في بلادهم وسكرتو الأبواب وفرقتو بيناتهم… أما الي في القلب في القلب وانا غدا لناظره قريب… احنا هنا ملاكة موش كرايا ولازم نسترجعو بلادنا وتتحقق الحلمة وترجع قرطاج عظيمة من جديد”
للتذكير: وفق ما تم تداوله عبر صفحات التواصل الإجتماعي، تم إيقاف في الليلة الفاصلة بين أمس الجمعة و اليوم السبت 30 أفريل 2022 الحبيب باي صاحب عربة مجرورة لبيع الكسكروت عن عمله.
و وفق نفس المصادر، كسكروت الباي صنع الحدث في رمضان و كان إقبال المواطنين كبيرا. و قبل يوم من العيد، يقع حجز عربته، مورد شغله.
“موش على خاطرو قطعي، وسارق ويفك في أرزاق العباد…
لا لا لا…
على خاطر عندو برويطة يبيع فيها في أشهر كسكروت في المنطقة اذيكا، كسكروت الباي…
انسان خدام، اختار الثنية الصعيبة، ثنية الحلال… والناس حبتو وحبت ماكلتو وحولتو لظاهرة… ظاهرة حميدة بجميع المقاييس…
كيف نكافيو حبيب؟
تهبط الدولة باجهزتها البوليسية والبلدية وتحجز برويطة حبيب وتوقف حبيب على خدمتو قبل نهار مالعيد…بتعلة الانتصاب الفوضوي… اي صاحبي الدولة الي تبدى ترڨل قدام ربع مهرب والا شطر محتكر… تي اي اي الدولة اذيكا متاع افرح بيا…”، وفق ما يتناقله رواد الفايسبوك.
شارك رأيك