المٌمثل المسرحي سهيل هنشيري يتحدث عن قصة نجاح “المنشط والحكواتية” : ضحكو علينا .. واليوم عروضنا مطلوبة في ألمانيا ودبي والجزائر

في تدوينة تحدث فيها عن اصراره على انجاح “مشروعه” “التاكسي الثقافي” طيلة أربع سنوات، لخص المٌمثل المسرحي سهيل هنشيري شٌهر “سهيل لرتيستو”، تجربته مع “الخيبات” ومع “قلة ذات اليد” مقابل اصراره وعزيمته على النجاح ونفض غبار الماضي والمضي قدما لاستكمال حلمه ترافقه في ذلك رفيقة دربه ومسيرته زوجته وام طفليه سعيدة مباركي.

وذكرسهيل هنشيري انه عاد إلى مدينة قفصة سنة 2017 بعد سلسة تجارب فاشلة في الاذاعة وفي بعض التلفزات، قائلا “روحت في جيبي الفين فرنك معايا المدام و زوز صغار سكنت في دار امي، حالتي النفسيه والمادية و البدنية تاعبة برشا غارق بالديون، قعدت انا والمدام وڨلنا نفس الكلمة شنوا الحل معادش مسؤولين على روحنا كاهو عنا زوز صغار مع عندهم حتي ذنب”.

وتابع “خممنا مليح هزينا نفس طويل فسخ وعاود من جديد طلبنا ربي ليل ونهار باش يحلها في وجوهنا، حطينا الايد في الايد راضين بالموجود وبالموجود نعيشو،وبدت الرحلة مع التاكسي الثقافي”، مشيرا إلى انه عمل طيلة اربع سنوات دون كلل او ملل”وصلت نروح نبدل دبشي نبوس صغاري ونعاود نخرج نخدم بدني طاح ظهري عواج على صغر سني”.

وتابع ” ضحكو علينا و نبرو علينا و حطو العصى في العجلة ماخلو ماعملو بينا أصحاب القلوب المريضة، سكرنا وذنينا وخدمنا و ضحينا وصبرنا وحطينا كل ما عنا من جهد و معرفة وطورنا رواحنا و ربي استجاب لدعانا و أعطانا من خيرو”

واكد الممثل ان مشروعه “التاكسي الثقافي” اصبح مربحا ماديا وانه اصبح هو وزوجته مطلوبين خارج حدود ارض الوطن بكل من المانيا ودبي والجزائر.

يشار إلى أن تظاهرة التاكسي الثقافي وهي عبارة عن سيارة متنقلة تحمل 5مشاريع ثقافية فنية بين السنما والمسرح والتنشيط وكذلك عروض الحكواتي في شكل منوعات تستهدف الأطفال والشباب والكهول.

وفيما يلي نص التدوينة كاملا

المنشط_و_الحكواتية💖👇

بدينا #حياتنا من تحت تحت 0، 2017 رجعنا من #تونس لقفصة بخبية امل كبيرة خاصة بالنسبة ليا بعد إلى صارلي مع راديو ifm و تجربتي الفاشلة في بعض القنوات و الناس الى سكرت الباب بلعاني في جهي واحلامي الوردية الى ضحيت بكل شي على خاطرها طاحت في الماء وما ربحت من تونس كان العامين الى قريتهم عند #عاطف_بن_حسين والناس السمحة إلى عاشرتهم في دار الثقافة #باردو ،روحت في جيبي الفين فرنك معايا المدام و زوز صغار سكنت في دار امي، حالتي النفسيه والمادية و البدنية تاعبة برشا غارق بالديون، قعدت انا والمدام وڨلنا نفس الكلمة شنوا الحل معادش مسؤولين على روحنا كاهو عنا زوز صغار مع عندهم حتي ذنب. خممنا مليح هزينا نفس طويل فسخ وعاود من جديد طلبنا ربي ليل ونهار باش يحلها في وجوهنا، حطينا الايد في الايد راضين بالموجود وبالموجود نعيشو،وبدت الرحلة مع #التاكسي_الثقافي :ضحكو علينا و نبرو علينا و حطو العصى في العجلة ماخلو ماعملو بينا أصحاب القلوب المريضة، سكرنا وذنينا وخدمنا و ضحينا وصبرنا وحطينا كل ما عنا من جهد و معرفة وطورنا رواحنا و ربي استجاب لدعانا و أعطانا من خيرو أعطانا محبة الناس و ثقتهم أعطانا النجاح في عالم صعيب برشا #عالم_الطفل واعطانا التوفيق في الاختيارات والي يصبر ينال عديت 4 سنين عبارة ساكن في كرهبة إلى نعديه في السفر اكثر مالي نعديه في داري درتها الجمهورية الكل بولاياتها بمدنها بقراها باريافها نخدم ليل ونهار وصلت نروح نبدل دبشي نبوس صغاري ونعاود نخرج نخدم بدني طاح ظهري عواج على صغر سني نلقى عايلتي مساندتني و رضاية الوالدين و المدام واقفة بجنبي هزت عليا الحمل و كملت الرحلة في بلاصتي و تواصلت النجاحات وربي عطى خيره تحسنت الوضعية من جميع النواحي، ماديا الخير والبركة صحيا عملت عملية ولاباس والحمدالله ولينا مطلوبين في كل المهرجانات والتظاهرات كل عام عنا إنتاج جديد بدينا من الريف دخلنا للمدينة بعدها ولينا متواجدين في الولايات الكل واليوم احنا مطلوبين خارج حدود الوطن كنا في #ألمانيا و ماشين #لدبي و #الجزائر و الجاي خير وخير ان شاء الله🤲

حبيت نقول الصبر باهي و إلى يخدم يلقى والي عنده #حلمة يكمل فيها

هذا جزء بسيط من #حكاية#نجاحنا👩‍❤️‍💋‍👨

شارك رأيك

Your email address will not be published.