علق حمّة الهمامي الأمين عام لحزب العمال، على قرار اعفاء 57 قاضيا بأمر رئاسي، ”قيس سعيد بعد ان حل المجلس الاعلى للقضاة يحب يولي قاضي القضاة المباشر.. وأسلوبو هو أسلوب كل المستبدين والإنقلابيين..السلطة التنفيذية والتشريعية والسلطة القضائية ياكل فيها بالشوية وانتوما الاعلاميين محضرين رواحكم والا لا؟”.
واضاف الهمامي في حوار له على موجات اذاعة “موزاييك اف ام” اليوم الاثنين 6 جوان 2022، “يريد بهذه الخطوة ضرب اتقرالية القضاء وبشكل فج وبشكل مقرف رئيس الجمهورية يحكي على قاضية زانية ووثائق تدور فيه اهانة للمرأة التونسية،وللشعب التونسي”، مردفا “هناك انقلاب سريع يحب في اسرع وقت ينفذ برنامج نظام حكمي فردي مطلق”.
قال “وجعني برشا الكلام الي يحكي فيه على القاضية ..انا توجعت برشا على خاطر عندي ثلاثة بنات..رئيس الجمهورية يحب يصفي حسابو مع القضاء يقول ثمة زانية..عندنا جو خانق وجو من التأليب في اسلوب قيس سعيّد” على حد تعبيره..
واستعرض الهمامي المؤشرات الاقتصادية المتدهورة منها التضخم واعتراء المقدرة الشرائية مع البطالة سيؤدي إلى اوضاع خطيرة ”سعيد عندو برنامج في مخو بش ينفذو.. ماهو سامع حتى حد.. الوضع الإقتصادي صعيب برشا.. الأوضاع خطيرة تنجم تكون من داخل الدولة ومن خارجها.. هذا تحليل قائم على أوضاع.. أحنا قدام رئيس خطير..”
شارك رأيك