في تدوينة نشرتها اليوم الثلاثاء 28 جوان 2022 على حسابها الرسمي بالفايسبوك، كتبت الاعلامية ميساء بديس ما يلي حول آخر حوار للفقيد هشام رستم في الحلقة 43 من برنامج “ضيفنا على كيفنا” (آخر حلقة للموسم) الذي تعده و تقدمه على قناة تونسنا:
“أربعة أيام لتالي…سهرة الجمعة كنت ضيفي في برنامج ضيفنا على كيفنا، و كان هذا آخر لقاء إعلامي ليك ، تحدثنا على البدايات و الصعوبات، على أعمالك في تونس و خارج تونس، على بعض المحطات المهمة في مسيرتك(الإيجابية و السلبية) ، كنت صريح و جريء، كنت ذكي في إجاباتك و الي جلب إنتباهي الكاريزما و الأناقة و “الريشة” ( نقلهم ديما شباب هشام رستم) و جلبني زادة الطاقة الي عندك بما أنك عديت معانا فوق الساعتين( بين التحضير و التصوير ) ، ما لاحظت حتى تعب و إلا قلق على سي هشام و هذا علاش تفاجئت بخبر وفاته.
هشام رستم في لقائه معايا كان تحدث على الأعمال الخيرية الي قام بيها و على عنايته بالأطفال” الأيتام” و كان تحدث حتى على مشاريعه المستقبلية في هذا الإطار…
كل فرحة رسمتها على وجه يتيم انشاء الله ترجعلك حسنات….
شكرا هشام رستم على الرقي، على الإبداع، و على أعمالك الفنية الي متعتنا بيهم
الوداع…..
إنا لله وإنا إليه راجعون”.
شارك رأيك