بن سلامة: “لا فائدة في التشكيك في المسار بسبب المستوى المتدني للرئيس (الإيزي) و بعض الاعضاء، ماهمش باش ايطولو…”

الفتيل يشتعل داخل هيئة الانتخابات و التعايش بين الأعضاء أصبح شبه مستحيل حيث يشعر المواطن بعدم الإطمئنان و غير مرتاح لما يحدث في البلاد.و كتب سامي بن سلامة، أحد أعضاء الهيئة الوطنية المستقلة للانتخابات مساء اليوم الثلاثاء 12 جويلية ما يلي على صفحته الرسمية بالفايسبوك :

“باش الناس تفهم الوضع…الانتخابات راهي يعملوها نساء ورجال الهيئة…مديرين وموظفين وأعوان وعملة وأعضاء هيئات فرعية وموظفين في الجهات وأعوان مراكز اقتراع…
يعني دور مجلس الهيئة هو دور سياسي في النهاية…هو واجهة للهيئة…
وقت يبدا مجلس الهيئة موش في المستوى…الهيئة تخدم وتعمل انتخابات…
وللتذكير انتخابات 2018 وقت كان الرئيس المنصري تعملت من غير حضور الأعضاء ومن غير مدير تنفيذي… والتخلويض الي صار فيها الكل كان بسبب الرئيس والأعضاء موش من الموظفين…
يعني لا فائدة في التشكيك في المسار بسبب المستوى التقني والأخلاقي المتدني للرئيس وبعض الأعضاء…
المسار يحميووه أولاد الهيئة الي هوما حجر الساس…
وأنا شخصيا مساندهم ونلقى في مساندة خفية لكنها كبيرة من الوطنيين منهم ..
الاستفتاء باش ينجح رغم الي عملوه الكل ورغم المستوى المهلهل والتفوريخ والعنطزة الفارغة من ناس فارغين…بفضل أولاد الهيئة الحقيقيين…
البقية ماهمش باش يطولو…أصلا يتسماو طولو… والسلام ثلاثا…”.

شارك رأيك

Your email address will not be published.