اكدت اليوم الاثنين 18 جويلية 2022، رحاب بن فرج اصيلة ولاية مدنين، متخرجة أستاذة مدارس ابتدائية دورة جوان 2022،أنها تعرصت لعنف لفظي ومادّي من قبل أخيها فاخر فرج، بسبب خروجها من المنزل دون استشارته، موضحة انها تلقت اكثر من 20 ضربة بالشلاكة على وجهها.
وتحدثت رحاب بن فرج في تدوينة نشرتها على صفحتها الشخصية بموقع “فايس بوك “عن معاناتها بسبب تصرفات أخيها ، مشيرة إلى أنه يعتبرها “جارية” وانه ليس من حقها الخروج من المنزل دون ان تستشيره،مضيفة انها اكملت دراستها بعد معاناة كبيرة.
وكشفت ان عائلتها حاولت الضغط عليها وعدم تقديم شكاية ضد اخيها خوفا من الفضيحة، داعية الجميع إلى الوقوف معها ومناصرتها لتسترد حقها بالقانون، وقد لقيت التدوينة موجة من التضامن على موقع التواصل الاجتماعي.
وفيما يلي نص التدوينة كاملا كما نشرتها ابنة مدنين:
أنا رحاب فرج من مدنين متخرجة أستاذة مدارس ابتدائية دورة جوان 2022 نحب نحكي حكايتي و نحب الناس الكل تفهمني و تحس بيا أنا تعرّضت لعنف لفظي و مادّي من قبل خويا المدعو “ف.ج” أي نعم خويا الحكاية باختصار أنا مروحة للدار كنت في مركز تجميل نداوي في وجهي سألني سي خويا قلي وين كنت قتلو كنت في centre نداوي في وجهي تغشش و قلي تكذب و بقى يضرب فيا بالشلاكة على وجهي أكثر من عشرين ضربة و يسب و يخبّط فيا لا شفقة لا رحمة تقول مانيش أختو و هذا الكل علاش خاطرني خرجت و ما شاورتوش أنا شكيت بيه و نحب ناخو حقي منه على فكرة مش أول مرة يعنّفني و يضربني أما ما توقعتش يوصل للوحشية هذه أنا عانيت برشا منو و من عائلتي باش وصلت كملت قرايتي ديما يحسّسني لي أنا جارية عنده ما يلزمنيش نخرج و ما يلزمنيش نقرا و مايلزمني نعمل حتى شي بالنسبة ليهم الطفلة من دارها لدار راجلها و كهو خويا هذا ديما يضرب فيا عقّدني في حياتي كرهني في روحي المشكلة. كي هربت من الدار و حبيت نمشي للحرس نشكي دارنا ماخافوش عليّ خافوا من الفضيحة و ضغطوا عليّ باش ما نشكيش أنا نحب الناس تاقف معاي و نحب ناخذ حقي بالقانون و مانيش مسامحة و مانيش مسلمة في حقي التصويرة تُغني عن كل تعليق”.
شارك رأيك