على إثر تصريح رئيس الجمهورية قيس سعيد خلال استقباله مؤخرا بقصر قرطاج وزير الداخلية توفيق شرف الدين ودعوته النقابات الأمنية الى التوحّد في هيكل واحد اصدرت نقابة قوات الامن الداخلي بلاغا شديد اللهجة إعتبرت فيه انه لا صفة ولا حق لسعيد في الدعوة لتوحيد النقابات الامنية او اصدار املاءات لها.
وقالت النقابة ان هدف دعوة سعيّد “تركيع النقابات بضمها لهيكل واحد وجعلها نقابة ادارية بامتياز تتحكم فيها السلطة ” مؤكدة رفضها دعوة سعيد قائلة “نحن نحبّو رواحنا احرار ما ننضويو تحت حتى حد وموش السلطة الي تدعو لتوحيد النقابات”.
وجاء في بلاغ النقابة نشرته بصفحتها على موقع “فايسبوك” باللغة العامية “: التعددية النقابية مكسب للجميع فيها اختلاف في الرأي وفي المواقف اما في الاخر كلها تصب في خانة مصلحة الامني سوى كنا نتفقو معاها او نختلفو تبقى مكسب لكل الامنيين اليوم شكون قالك نحن نحبو نعملو نقابة موحدة ؟ هنا يحيلنا لشك كبير في تركيع النقابات بضمهم لهيكل واحد يعني تولي نقابة ادارية بامتياز تتحكم فيها السلطة وقت ماتحبو بعد مدة تولي ديوان خدمات لا اكثر نحن نحبو رواحنا احرار مانضويو تحت حتى حد مالمفروض موش السلطة الي تدعي لتوحيد النقابات مالمفروض نحن نتوحدو بنفس الموقف والرأي والتحركات “.
واضافت “كي تجيني اليوم تقلي اعمل نقابة موحدة بأية صفة وموش من حقك املاءات كيف هاذي على الهياكل النقابية يعني الخلاصة المبادرة تكون منا فينا موش بطلب من حد ماناش نهددو في حد ونحن في خدمة تونس اما موش بالاملاءات ومن المفروض نجلسو في طاولة مستديرة ونتناقشو موش بالاوامر الفوقية وصيغة الامر ..التعددية النقابية في كل دول العالم موجودة ونحن موش استثناء الشك الي يخالجنا موش من فراغ… و ننصحوكم ابداو بتوحيد الصفوف اقتصاديا واجتماعيا من بعد تو وقتها نتفاهمو في الجانب النقابي الامني ومن المنبر هذا لازمكم تعرفو و تفهمو الي كل شخص يحاول يهدد المكسب النقابي الامني فنحن موجودون ولن نتهاون في انجاح مكاسبنا “.
وكان رئيس الجمهورية قيس سعيد قد اعتبر خلال استتقباله يوم امس بقصر قرطاج وزير الداخلية توفيق شرف الدين ان “عدم تأمين أية تظاهرة تحت أية ذريعة كان إضرابا مقنعا وإخلالا بالواجب المهني”.
وشدّد سعيد وفق ما نقل عنه بلاغ صادر عن رئاسة الجمهورية نشرته على صفحتها الرسمية بموقع ” فايسبوك” على “ضرورة تأمين المواطنين في كل مكان وتحت أي ظرف” وعلى ان “الحق النقابي بالنسبة للأمنيين حق معترف به دستوريا” وعلى ان “الدستور ذاته ينص على أن هذا الحق لا يشمل الإضراب”.
ونقل البلاغ عن سعيد “تنويهه بالجهود التي تبذلها قوات الأمن للحفاظ على الأشخاص والممتلكات، وللحفاظ أيضا على حرية التعبير و”دعوته إلى توحيد نقابات الأمن الداخلي في هيكل واحد يقوم على أساس الانتخاب ويقتصر على الجوانب الاجتماعية دون سواها”.
وذكّر رئيس الجمهورية، في هذا السياق، بأنه كان قد تقدم بهذا الاقتراح منذ سنة 2012 لإنشاء هيكل نقابي موحد هو الاتحاد العام التونسي لقوات الأمن.
شارك رأيك