على اثر الحملة الفايسبوكية التي شنها أنصار الرئيس قيس سعيد ضد القضاة الذين اجتمعوا مساء أمس السبت بنادي القضاة بجهة سكرة احتفاء بقرار المحكمة الإدارية بخصوص عزل القضاة بأمر رئاسي و استمعوا إلى الموسيقى و منهم من رقص مع الأهل و الاصدقاء، علق القاضي محمد طاهر الكنزاري على صفحات التواصل الاجتماعي بما يلي:
“انا قاض تونسي وارقص وارقص وارقص على الاغاني الشعبية التونسية، وما زلت باش نشطح ونشطح ونشطح على اغاني لسود مقروني وخمسة اللي لحقو بالجرة، وعلى اللي تحبو انت وما تحبوش سي ابصر اش اسمك اللي ما عجبكش شطيحنا على الاغاني التونسية الشعبية، اما كان شطحنا slow على موسيقى غربية رانا عجبناك وراك قلت ملا ذوق رفيع، انا تونسي حر ونحب التونسي الحر المحرحر، ونحب الفن الشعبي التونسي، قصبة وزكرة ومزود وملالية وركروكي، نحب علية ونعمة واحمد حمزة، غناية الليلة عيد تشطحني وعلي جرى تطربني، نشيخ على غنايات كافون وبلطي وكلاي وغيرهم، على خاطرهم توانسة احرار وانت برا اشطح على سيلين ديون ومايكل جاكسون ومادونا وبوب مارلي اللي نحبهم زاده ونحب اي حاجة فنية لان الفن قيمة انسانية، والرقص تعبير على الفرح وكل امة عندها شطيحها اما الله غالب عنا برشا توانسا معقدين وكبي ويموتو على السفاسف وهوما من داخل الداخل باغضين الناس اللي تشطح على خاطر الشطيح تعبير على الذات، تعبير على السعادة يا كبي يا معقد يا لكزة”.
شارك رأيك