بعد لومها، معز عطية في تعليق له شبه مفاجىء حول النقطة التنويرية لعبير موسي (مقطع من فيديو)

تعقيبا على ما أدلت به عبير موسي رئيسة الحزب الدستوري في آخر نقطة تنويرية لها حول مجال الإعلام و الكشف عن مموليه و ارتباطه بعالم السياسة و الفساد و التحولات المباغتة…، علق الاستاذ الجامعي و الكرونيكور معز عطية بما يلي على صفحات التواصل الاجتماعي:

“ليس من حق اي رجل سياسة او امراة سياسة ان يقول لاعلامي “ماعادش تحكي علي” “وماعادش تجبد اسمي على لسانك”. انت جزء من الحياة العامة وحطيت نفسك تحت الاضواء ومن حق كل اعلامي انه يحكي عليك وينقدك. واذا سيادتك ريت ان الصحفي كذب عليك وثلبك ثمة قضاء يمكن التوجه اليه.
الي قامت بيه السيدة عبير موسي تجاه رفيق بوشناق في نقطتها التنويرية يوم امس لا يليق برئيسة حزب تتصدر المشهد السياسي عبير موسي تقوم بعمل كبير في الساحة السياسية وهذه حقيقة تقال مواقفها وطرحها للقضايا السياسية محترم قبل وبعد 25 جويلية وهذا قلته في عديد من المناسبات….لكن كثير من الامور الجانبية ومنها التصريح الاخير في النقطة التنويرية المتعلق برفيق بوشناق خارج عن السياق ويهدد حرية الاعلام والصحافيين”.
…………..

قراءة لفاضل بن صابر:

“عبيرموسي
نقطة تنويرية
5 سبتمبر 2022
من أمام وكر القرضاوي
مقتطف من كلمة الرئيسة
الحزب الدستوري الحرّ قدم خارطة طريق كان تتذكروا و من ضمن الأركان متاعها و النقاط الأساسية هي مكافحة الاذرع متع الفساد السياسي.. لازم التوانسة تعرف إللي المنابر التي تبيض العنف وتحرف الواقع وتسمح بتمرير جرائم هي ذراع من أذرع المنظومة متع الخراب و الدمار.. اليوم فمْة عملية سطو على المشهد الإعلامي من أجل فرض خطوط تحريرية و اعلامية واضحة..
في 2011 خصصت المنظومة الإعلامية لشيطنة التجمعيين و لشيطنة الدولة الوطنية و تخدمت بها الانتخابات و طلعولنا جماعة سيدهم الشيخ و عطاوهم البلاد…
في 2014 المنظومة الإعلامية دوروها منابر و قنوات و نبيل القروي و خدموا للباجي و للنداء و خدموا بها الانتخابات..
في 2019 مولى الباتيندة بيدو ترشح للانتخابات الرئاسية و ولّى نومرو واحد و ولّات مسرحيات و تخدمت الانتخابات.. وتخدمت مبعد مكينة اعلامية في فترة البرلمان لتقزيم و تشوية كل حاجة يعملها الحزب الدستوري الحرّ.. استهداف ممنهج و شخصي و عملية شخصنة تامة ضد رئيسة الحزب و “وصلوا أنهم صنعوا رأي عام إللي خدموا بيه السيناريو متع 25 جويلية 2021″… اليوم ما بالطبع لا يتغير زرعوا في كل بلاطو واحد تابع الحاكم بأمره و في الاخر قعدوا المنابر و البلاطوات في التقطيع و الترييش و السذاجة و ما قدمت شيء يفيد المواطنين و قعدو الكرونيكورات يهللوا و يكبروا لسيادتو و يقزموا و يشوهوا في نضالات الحزب الدستوري الحرّ.. إفلاس تام للمنظومة الإعلامية و قعد الحزب الدستوري الحرّ الأول في المشهد السياسي.. حزب ينشط على الميدان و يعبر على رأي المواطنين..
اليوم كلمة السر في البلاطوات الكل ضرب عبير موسي و الحزب الدستوري الحرّ “اضرب عبير آش يْهِمّك تو تِطْلَنْسَا…”
هاني نقولهالكم :” ماعادش تحكيو علينا و ماعادش يجي اسمي على لسانكم… و انت سي رفيق بوشناق(RAFMAG) كان قعدت في centre d’appel خير..” تحليل فاضل بن صابر.

شارك رأيك

Your email address will not be published.