بمناسبة ما يروج عن أيقاف محمد الفريخة صاحب شركة سيفاكس للطيران المسؤولة عن تسفير ألاف الشباب إلى سوريا عبر تركيا في عام 2012 أثناء فترة حكم حزبه حركة النهضة.
قصيد للشاعر الشعبي لزهر الضاوي
“ملٌا فرحة… وملّا شيخة”…
اليوم قالوا شدوا الفريخة…
الفريخة متاع “التسفير”,..
في أيامات “التكبيييررر”,..
والطيارات اللي تطير,..
بأوامر من “موزة” و”شيخَه”…
بعّد دوّرها صْواريخ…
واستكشافات للمريخ…
وإطلاق أقمار وتكليخ…
وشربنا معاه “الدّوّيخة”…
واليومة كي تفكّروه…
ماظنّيش يحاسْبوه…
نهيّرين ويسيب كيما خوه…
واحنا ينسّونا ببطّيخة…
مسرحية ممْسط بوها…
حتى البهايم زعفوها…
وكان بالحق سوريا تحبوها…
العلاقة معاها ردّوها…
من غير ما تشدواالفريخة…
ملا فرحة وملا شيخة !
شارك رأيك