سعيدة ڨراش: “أعداء الديمقراطية ما ينجمو يكونو كان اعداء للوطن لانهم يحبو كل شيء تحت حس مس… “

في تعليقها على الوضع السياسي الحالي و على تراجع واضح لسن الديمقراطية الناشئة على مبادئ سميكة، و تراجع و على حرية التعبير المهددة، كتبت الاستاذة المحامية سعيدة ڨراش ما يلي ياللغة التونسية الدارجة على صفحات التواصل الاجتماعي:

“هو راهو المفروض ان لا نخشى الديمقراطية، يقول القايل علاش؟ الديمقراطية تضمن الشفافية بما انها فيها حرية تعبير و بالتالي الناس تتكلم و ما تسكتش على الباهي و الخايب، الباهي ندعموه و الخايب نصلحوه.
الشفافية تضمن الحوكمة الرشيدة بما انو ثمة حرية تعبير و نقد و ما يتخبى شيء و كل شيء شفاف و بالمكشوف و موش تحت الطاولة و تولي الناس الكل تشد الثنية .
و الحوكمة الرشيدة تخلينا نقضيو على الفساد او على الاقل نحدو منو، و نقضيو على الابتزاز مثلا لرجال الاعمال و يتشجعو و يستثمرو في بلادهم و يخلقو مواطن شغل و يطورو الانتاج و نصنعو الثروة. ايضا الحوكمة الرشيدة تخلينا نستثمرو في قطاع الفلاحة مثلا و نشجعو ه باش ينتج و نحققو اكتفائنا الغذائي و نطورو القطاعات المرتبطة بيه و نضمن ظروف عمل باهية للجميع و نساهمو ايضا في خلق الثروة ونقضي على الاحتكار .
كيف نخلقو الثروة انجمو نوفرو مواطن الشغل و نحسنو من وضعية الناس و نهتمو بالبنية التحتية و التعليم و الصحة و السكن ….
الديمقراطية تخلينا نساهمو في بلادنا من غير خوف و رعب من الديكتاتورية و الظلم و القهر و ما يتبعو من استغلال نفوذ و تحقيق امتيازات و ضغط و ابتزاز …
هذاكا علاش اعداء الديمقراطية ما ينجمو يكونو كان اعداء للوطن لانهم يحبو كل شيء تحت حس مس في حين ان الديمقراطية تعني ان كل شيء فوق الطاولة موش تحتها”.

شارك رأيك

Your email address will not be published.