في تدوينة نشرت مساء اليوم الاحد 9 اكتوبر 2022، تم الاعلان عن انطلاق البث لاذاعة Son FM يوم الاثنين 10 اكتوبر الجاري. مع الإشارة ان الهيئة العليا للإتصال السمعي البصري (الهايكا) قد منحت في 20 ماي 2020 رسميا 14 رخصة لقنوات و اذاعات و منها لجمعيات على غرار جمعية أنا يقظ.
و أعلن مهاب القروي، عن انا يقظ. من خلال التدوينة التالية عن توقيت الانطلاق لاذاعة شاملة:
“وأخيرا غدوة الإثنين 10 أكتوبر 2022، التوقيت: 06:00 متاع الصباح: انطلاق البث المباشر لإذاعة Son FM **
ابتداء من غدوة وكل يوم من 6 متاع الصباح حتى 8 متاع الليل باش تكتشفوا البرمجة الشتوية للإذاعة إلي تنجمو تسمعوها في تونس الكبرى على 100.0 FM ولا livestreaming على موقعنا sonfm.tn
من ناحية الشكل، الإذاعة حاولنا نوفرو فيها أحدث التقنيات والمعدات المخصصة للبث الإذاعي والرقمي باش نوصلولكم في أحسن صوت وصورة.
من ناحية المضمون، الإذاعة باش تضم من أفضل الصحفيين والتقنيين ومقدمي البرامج وصناع المحتوى بمعمل اعمار ما يفوتش 25 سنة. الإذاعة نحبوها تكون البديل في المشهد الإعلامي المسموع وباش نحاولو أنها تكون بالحق صوت الشباب والمثقفين والمبدعين والاكاديميين والأقليات. وباش تكون زادة منصة للمجتمع المدني بمختلف اهتماماته وتوجهاته داخل تونس الكبرى وخارجها بشكل خاص.
باش نحكيو في برشة مواضيع، السياسة، الترفيه، المواضيع الاجتماعية، اقتصاد، كورة، startups، الصحة، الثقافة، وبرشة مواضيع أخرى باش نتناولوها من منظور جديد، وبروح شبابية خفيفة.
** الإذاعة هي قانونياً إذاعة جمعياتية تابعة لمنظمة أنا يقظ لكن خطها وميثاقها التحريري مستقلين تماماً عن المنظمة”.
شارك رأيك