نشر عدنان بالحاج عمر، الناشط السياسي و الكرونيكور التلفزي و الااذاعي، مساء اليوم الاثنين 10 أكتوبر 2022 تدوينة على صفحات التواصل الإجتماعي بالفايسبوك يؤكد من خلالها أن النخبة أعطت ظهرها لرئيس الجمهورية و أن من رفعوا هذا الأخير لكرسي قرطاج قد جبدوا أيضا سفيرهم منو…
و في ما يلي ما دونه عدنان بالحاج عمر:
“شكون مزّال من المدوّنين و جماعة “ماكس برتاج” إلّي هزّو سعيّد و جنّدولو العباد و عملولو شعبيّتو ؟ خاطر راهو ما تغلطوش، ماهمش الجماعة إلّي مصحّحين في العريضة هوما إلّي جابولو أصوات الناس و مساندتهم، رضا لنين و بودربالة و زهير حمدي و مباركة عواينية. إلّي خدموه هوما ثامر بديدة و نزار الداكس و بن عرفة و الأنواع هاذيكة … و هاذم الكل على حدّ علمي جبدو رواحهم من قيس سعيّد و بكلهم عاملين فيديوات و تدوينات ينقدو فيها في الرئيس و يأكدو أنهم ماعادش مساندينو .
الحاصيلو و هذا الأهم، عندنا رئيس النخبة الكل تقريبا ضدّو و حتى رموز الجمروش إلّي هزّوه للسماء هام جبدو سفيرهم منّو، لكن رغم هذا الراجل ماعلابالوش و ماسك بكل تلابيب الحكم”.
شارك رأيك