المونديال: قال أنه كان “باش يتنحى من القائمة و على خاطر مسلف فلوس لخو وديع”، الجزيري يرد على عصام جمعة …

في تصريحه مساء اليوم الإثنين 28 نوفمبر 2022 في برنامج الدوامة مع محمد الخماسي على موجات إ ف م، قال عصام جمعة، الهداف التاريخي للمنتخب الوطني بأن سيف الدين الجزيري “كان باش يتنحى من القائمة و على خاطرو امسلف فلوس الخو وديع الجزيري، سلمها…”

في ما يلي رد الجزيري عبر تدوينة فايسبوكية:

“حياتي الكل من وقت ما بديت قصة غرامي بالكرة تعوّدت على الكفاح و استانست بيه على خاطر الوالدة علمتني أنّو طريق الأخلاقي يوصّل خير من الطريق القصير اللا اخلاقي

الي حققتو و الي مازلت بش نحققو الكل بإذن الله كان و سيكون و لن يكون إلّا بالطّرق الأخلاقية

كوّارجي انا ؛ لا نعمل سياسة و لا ابتزازات و لا علاقات بطرق مشبوهة

يؤلمني برشا انها أوّل مرة في حياتي يتم إتّهامي بتهمة هكّا تكون على لسان واحد من النّاس الي ألهمتني في وقت من الأوقات اني نكون من هدّافي المنتخب .

ما نقول حتى شي بخلاف قوله تعالى :

يا أيها الذين آمنوا إن جاءكم فاسق بنبإ فتبينوا أن تصيبوا قوما بجهالة فتصبحوا على ما فعلتم نادمين”

بالنّسبة للأحبّاء شكرا على ثقتكم فيا و دفاعكم عليا و ما تخافوش هذا مش بش يضيّعلي تركيزي و مش بش نعطيه من طاقتي الموضوع …

تو القانون ياخو مجراه .عيب و الله”.

شارك رأيك

Your email address will not be published.