علقت الاعلامية الرياضية عايدة عرب على موضوع الطرد النهائي للتلميذة نور عمار المرسمة بالسنة ثالثة اعلامية اختصاص موسيقى والمرسمة بمعهد الفنون بالعمران، بعد ان عمدت إلى شتم استاذها (الممثل مهذب الرميلي) من خلال فيديو نشرته على موقع التواصل الاجتماعي “فايس بوك”، ودوّنت عايدة عرب ما يلي:
“الطفلة عرفت روحها غالطة و تطلب في السماح و شعب تونس العظيم يسب الكلوّ في مهذب الرميلي!
تنّجم ما تحملش مهذب الرميلي كممثّل و الاّ ما تعجبكش مواقفه و تخمّم الّي هو رزين و موش بحبوح، أما صديقتي و صديقي، احترمو مهنتو كأستاذ و مربّي!
كيف مراهقة تسمح لنفسها باش تسب استاذ على وسائل التواصل الاجتماعي و تنعتّو بالصفر من المفروض قادمة على عقاب (أنا ضد الطرد النهائي لكن مع معاقبتها)!
دون هذا و غيرو، وقتلّي تبرّر قلّة الحياء سيدي خويا و للّة أختي، مبعد ما تجيوش تبكيو و تخرجولنا الجملة متاعكم الشهيرة “عناّ أزمة أخلاق!”
و تهناوْ عليها الطفلة الفنانة؛ زادت متابعيها في وسائل التواصل الإجتماعي و قريبا في بلاتوهات الشهرة المزيّفة و سهلة المنال، إلّي ولاّوْ شبابنا الكل هدفهم و حلمهم!
و كان جاء سامي الفهري ما نحاولوش مسلسل رمضان راهو خلّطها على الكاستينڤ!
و راني لا نعرف مهذب الرميلي معرفة شخصية و لا الطفلة!
هذا ما جناه عليكم التيك توك و التقليد الاعمى!
و السلام بالعافية!”
شارك رأيك