على اثر الاعلان مساء السبت 17 ديسمبر 2022 عن النتائج الأولية للانتخابات التشريعية التي كانت، وفق الهيئة المستقلة للانتخابات، بنسبة 8،8% من المشاركين في الاقتراع في التشريعية، علق سامي بن سلامة، العضو السابق في الهيئة بما يلي:
“عندو صلاحيات فرعونية ما توفرت لا لبورقيبة ولا بن علي ولا حتى لحنبعل…
ويحظى بدعم شعبي ومن النخب ومن الإعلام ما توفر لحد قبلو…
أي واحد في بلاصتو كان يجيب أكبر الخبراء والمختصين…ويعمل حكومة في المستوى….
والبلاد هاذي كان ينجم يغيرلها وجهها في ظرف عام… بقرارات ثورية وبروح تونسية حقيقية تسعى للتقدم والتطور ولرفاه الشعب المظلوم هذا..
شنوة عمل ؟
حتى شيء…
ضيع الوقت وأي موضوع يدخل فيه ما يكملوش ويزيد يفرعسو…
الشعب هذا ماهوش غبي راهو…
طيب وصبور لكنو يفهم على الرمش…
عطى النهضة في 2011 وعاقبها بالنداء في 2014….ضرب النداء في 2018 وطلع المستقلين…
فشلو المستقلين…عاقب النهضة والنداء والمستقلين والطبقة السياسية الكلها وجابلهم قيس سعيد في 2019…
دعم قيس سعيد في الاستفتاء… ووقت اكتشف الي حكايتو فارغة عطاه صرفاق غير مسبوق في تاريخ الانتخابات التونسية منذ الاستقلال في انتخابات 2022…
وما زال…”.
شارك رأيك