“عن الانسجام أتحدّث…
طبعا تونس لكل فاهمه علاش تم تعيين السيد محمد علي البوغديري في منصب وزير تربية طبعا هذا لا علاقة له لا بفشل سلفه ولا بكفاءة الرجل الذي تؤهله لذلك المنصب الحساس..
“طبعا احنا اش يهمنا في حساسية المنصب ولا يهمنا اصلا في الكفاءة ولا المؤهلات ولا في الشبيبة تقرا والا لا باش قرت .. يكفيه انه من المؤلفة قلوبهم ويحب الرئيس حبّا جمّا كيف بودربالة …اللي يهم مربط الفرس.. والفرس مربوطة ب #جيش_الطباشير.. في معركة وشيكة يستعجلها سعيد مجازفا.. ويتردد الاتحاد ويرتكب !
لكن انا عندي مشكلة أخلاقية مع محمد علي البوغديري.. سي محمد علي اعتبر تنقيح الفصل 20 متاع الاتحاد “مهزلة حقيقية” ومؤتمر صفاقس انقلابي وهو طبعا حر في ذلك لكن كيف استطاع ان يرى بنفس العينين، تفعيل الفصل 80 والأمر 117 و دستور للاستفتاء و برلمان لحداش فاصل.. لكلها أمور شرعية لا غبار عليها
يا بوقلب تي حتى امين محفوظ امين محفوظ اللي كتب الأمر 117 كي ما حبش ياخذ عليه دستورو.. قالو يا انقلابي وانت عملت انقلاب!
وانت كسرتلنا روسنا بمنظمة حشاد ومبادئ حشاد و القوانين والكذا والشي.. ومن بعد تمجّد وتهلل.. و الا الرؤية تحضر وتغيب سي محمد علي.. المهم مبروك عليك الوزارة!
آه حقا.. موش في هاكا المسيرة المساندة للرئيس كنت تخطب في وضح النهار من أمام المسرح البلدي ههه علاش ما اعتبركشي ممثل على ركح ومخرجك مجهول…”.
شارك رأيك