الأحداث تتواتر في تونس و الشعب الكريم هو الشعب الكريم و عن هذا الشعب كتب القاضي عمر الوسلاتي على صفحات التواصل الاجتماعي و عن هذه الملايين، أكثر من 10 ملايين أصبحوا من المختصين في ميدان الصحة، في المالية، في السياسة، في العمل الجمعياتي و العلاقات الخارجية… في كل شيء… في ما يلي نص القاضي عمر الوسلاتي:
“في عهد بن علي الناس الكل ما عندها حرية كان تناقش في الكورة اكاهو ،وبعدهاة صار عنا خبراء تحكيم وتسلل وخطط تكتيكية ، وفنية وكل نهار اثنين في القهوة تسمع العجب العجاب حتى الي عمرو ما شاط كورة بلاستيك يسب في الملاعبية والمدرب بكل ما عندو من كلام سفيهة!؟
برا يا زمان ويجي يا زمان جات الثورة ولى عنا عشرة ملاين ديمقراطي ،وسياسي وخبير إرهاب وناطق رسمي ومختصين في السياسات وكرونيكارات،جهابذة ومفكر وايمام وزيد يفهمو في المالية العمومية والديون والعمل النقابي والجمعياتي والعلاقات الخارجية وكلامهم اصبح مسموع والسلطة تعتبر référence,متاع نخب ،وبرا عاد توة طلعتلنا حكاية السيادة الوطنية وكل واحد يعطيها تفسيروا والجماهير الفقيرة والغفيرة تصفق للانتصارات العظيمة ،في مسرح كبير كله كومبارس!؟”.
شارك رأيك