وفاة بلال ميلاد معد برنامج “ديما لاباس” في قناة التاسعة توفي صباح اليوم الإثنين 20 مارس 2023 الشاب بلال ميلاد، معد برامج في القنوات التلفزية، شقيق الإعلامية جيهان ميلاد زوجة نوفل الورتاني بعد إقامة طويلة في قسم الإنعاش على إثر حادث مرور جد في صيف العام الماضي. رحم الله الفقيد رحمة واسعة و رزق أهله و ذويه جمبل الصبر والسلوان.
كانت شقيقة الفقيد جيهان ميلاد قد نشرت أول أمس التدوينة التالية: “يا ربي راني توحشت خويا يا رب.. يا رب أشفيه و عافيه… راني تقسمت… حاسه روحي في كابوس. ماذابيا نحل عيني نلقاك جايني و يترماو عليك عزيز و إلياس بالبوس و الضحك و توحشت نسمع صوتك يا غالي توحشت عويناتك يا قلب اختك… آه يا بلال آه ماعندي كان الدعاء و الدموع… يا رب يا رحمان يا رحيم أرحمنا بلطفك و خفف علينا ما نزل… يا رب و اشفيه يا رب اشفيه ياااارب”.
و كان قد نشر الإعلامي سمير الوافي يوم 3 مارس الجاري التدوينة التالية عند سماعه بخبر تعكر الحالة الصحية للفقيد: “فمة زميل في الكواليس نحبوه برشة… كان شُعلة من النشاط والحيوية والهبلة في خدمتو… ومصنع متاع أفكار وابتكار… ومافيا متاع استدراج وإقناع للضيوف وكان يطيح بميسي يقنعو باش يجي حتى للنشرة الجوية مع خونا محرز الغنوشي… ومتعصب برشة لكل برنامج يخدم فيه وكل قناة ينتميلها و وفي ومخلص للمنشط اللي يخدم معاه اللي هو نوفل الورتاني (و زيد نسيبو زادة يعني موش وفاء، ولاء)… وأي منشط يتمنى يكون في فريقو واحد كيفو يعطيه ثقة عمياء وكارت بلانش… هو صديقنا بلال ميلاد أحد فرسان فرق إعداد أنجح البرامج… اللي تعرض لحادث مرور خطير وحمدنا الله على نجاته… لكن سمعت اللي هو مريض برشة المدة هذي… ربي يشفيه ويقويه… وانشالله يرجع لخدمتو وعايلتو أقوى… يا رب”.
شارك رأيك