في ما يلي ما دونه الأستاذ المحامي محمد رمضان بخصوص مسلسل رمضان الفلوجة التي بثت أولى حلقاته الحوار التونسي مساء الخميس 23 مارس 2023 و ذلك قبل الاعلان عن رفع قضية استعجالية مع زملائه لمنع البث…. و تحميل الدولة المسؤولية:
“صحة شريبتكم ..
اي انسان بش يحكيلي اللغة الركيكة متع : “هذاكا الواقع” الي قاعدة تدور في التعليقات الكل على الفايسبوك نبلوكيو بعضنا خير.
الفن رسالة كي تعمل عمل فني و تحب تمس موضوع معين يهم الجانب الاجتماعي يلزم الطرح يكون عندو طابع تحسيسي او أعمق من هكا يكون عمل يهدف الي معالجة ظواهر اجتماعية معينة و الطرق معروفة للناس الي تعرف خدمتها و مبدعة بالحق. مش أمثال سامي الفهري و سوسن الجمني و العاهات الي نقاسيو فيها في هل البلاد. حتى كان بش نفترضو الي هذاكا الواقع كيما يقولو مجموعة من التفه انت كي تعملي عمل فقط تنقل فيه “الواقع” راك ما زدت شي بالعكس قاعد تعمل في تعزيز للواقع هذاكا يعني عمل إجرامي بالنسبة ليا.
بربي سؤال بريئ ياخي “الواقع ” مافيه حتى ربع حاجة تصلح تبنيو عليها عمل فني ؟
ياخي الدولة بش تقعد ساكتة على السم الي قاعدين ينشرو فيه في المجتمع التونسي؟ زطلة و عنف و ضرب لصورة المربي و صورة الأمني ملا فن و ملا إبداع…
الدولة مسؤولة و عليها ان تتحمل مسؤوليتها في حماية المجتمع التونسي و بالاساس فئة الأطفال و المراهقين ماهيش مسيبة البلاد”.
شارك رأيك