تم اختيارها كأجمل عارضة أزياء في تركيا، ابنة قفصة آية برهومي تحكي عن مسيرتها (صور)

في تصريح لها اليوم الاثنين 10 أفريل لبرنامج “رمضان الناس” على موزاييك أف أم، قالت آية برهومي ان اختيارها مؤخرا كأجمل عارضة أزياء في تركيا أين كانت من بين منافساتها 3 تونسيات، يعود ايضا الى عدم خضوعها الى عمليات التجميل وهي من بين الشروط للمشاركة في المسابقة.

آية برهومي من مواليد قفصة في 21 ماي 1997 من برج الجوزاء دونت مؤخرا ما يلي: “هاذا أكثر عام مهم في حياتي مزيج بين النضج و النجاح , على قد الصعوبات الي فيه و بعيدة على عائلتي و وحش الغربة إلا اني الفرحة تطغى على هاذا الكل و تنسيني هاك التعب … “.

كما دونت أيضا : “بسم الله الرحمان الرحيم … باش نوضح برشا حاجات لبرشا عباد .
إسمي آية برهومي ، عمري 25 سنة قريت باك لاتر في العربي عبود و بعد قريت مضيفة طيران في تونس ، كنت ديما نحلم إني ندخل للشهرة من بابها الواسع والحمد لله دخلتها اكثر من هكا من باب الشرف ، مقيمة في تركيا و تعديت برشا صعوبات و الحمد لله رضاية الوالدين خلاتني نوصل للي نحب عليه تربيت في عايلة بسيطة بين ام مناظلة و اب قدوة و مكافح ، مشيت لتركيا كانت خدمتي عارضة ازياء و واصلت في هاذا المجال ، حالفني الحظ في أول ايام جياني لتركيا نقدم في ملكات جمال العالم و كنت من المحظوظين تعديت بعدة مراحل و الحمد لله ترشحت للنهائي ، بدات المسابقة في فيفري و تنتهي في نوفمبر نجم نكون مالناجحين في الأخير كيما منجمش اما يكفيني شرف المشاركة و علاش لا نكون أنا الرابحة في المسابقة هاذي بالحق قداش فرحانة بالي فرح معايا و شاركني فرحتي و حتى الي ينبر و موش فرحان هاذا دليل نجاحي و الحمد لله ، انا ترشحت للنهائي لملكة جمال تونس في العالم و بالتحديد اسطنبول مانيش في تونس ، نشكر برشا لعباد على المساجات المزيانة و على كلمة كنت شرف ليهم انا زادة تشرفت بيكم برشا بدون استثناء و انشاء الله من حسن إلى الأحسن”.

شارك رأيك

Your email address will not be published.