في تدوينة نشرها صباح اليوم الجمعة 14 أفريل 2023،على حسابه الخاص بصفحات التواصل الاجتماعي بالفايسبوك، أعلن الاستاذ المحامي بلال الطازني عن الافراج عن الكرونيكور والممثل الكوميدي، وسيم الحريصي المكنى بميغالو الذي تم ايقافه يوم 3 افريل الجاري على اثر صدور حكم ابتدائي يقضي بسجنه لسنتين مع النفاذ العاجل على خلفية خلاف قديم مع قناة التاسعة بسبب نزاع مالي.
و كان صديقه و زميله أمين قارة قد دون ساعات بعد الايقاف ما يلي:
“شدة و تزول باذن الله
نزل علينا نزول الصاعقة خبر ايقاف صديقي و زميلي وسيم ميقالو ، في شهر التسامح في شهر الرحمة الله غالب فما شكون ما رحموش على مبلغ مالي لن يغني مالكي القناة ، حسب ما نتفكر برشة سالوها فلوس فما شكون تنازل و رى بالعشرة كيف ما انا عملت و فما شكون شكى و ما خذى حتى فرنك لتوا .
ماهيش قضية متاع تحيل كيف ما يروج البعض هي قضية تكاد تكون تضحك ، واحد يسال واحد اعوام فلوس استنبط طريقة طريفة و خذى فلوسو ( ما نيش نبرر الي صار و انا ضد )
وسيم تعدى المدة الاخيرة بضروف عائلية صحية و مهنية خايبة و مازال كيف بدى يرجع ياقف على ساقيه و الكلنا فارحينلو ياخي صار الي صار
بكل لطف في شهر الرحمة و التسامح و وسيم تعهد بارجاع قسط مهم من المبلغ المطلوب ما فيها باس كان يكون في قلوبهم شوية رحمة و ما يقضيوش على مستقبل الطفل على مبلغ صدقني لا يزيدلهم و لا ينقصلهم شي
في المقابل انا قدام ربي في الشهر الفضيل مسامحهم على نسالو و حساب الاخرة اكثر عسر من حساب الدنيا
شدة و تزول و انشاء الله الرسالة توصل لقلوب المعنين بالامر و تكون قلوبهم فايقة”.
شارك رأيك