نشر عبدو السعداوي كاتب الدولة في وزارة الرياضة سابقا اليوم الجمعة 21 أفريل 2023 تدوينة على حسابه الخاص بصفحات التواصل الاجتماعي بالفايسبوك محملة بعدة رسائل بخصوص زميله سابقا، وزير البيئة رياض المؤخر وراء القضبان منذ يوم 27 فيفري الماضي.
الرسالة الأولى واضحة هو تضامنه مع انسان وطني وفق ما اشار إليه و تم سجنه ظلما و الى حد الساعة لا وجود لتهمة ثابتة، و الرسالة الثانية وجهها للشامتين ظلما… و عبر السعداوي بالمناسبة عن مدى احتقاره للعديد من الذين كانوا لوزير البيئة سابقا اصدقاء و من المقربين منه و اليوم يخافون حتى من نشر تدوينة تضامنية… في يوم عيد….
و في ما يلي ما دونه عبدو السعداوي:
“رياض الموخر خويا و عشيري و صاحبي، راجل خدم البلاد حب من حب و كره من كره، اما اليوم نتكلم عليه موش خاطر صاحبي اما خاطر مظلوم و لتوة مافما شيء شادينو و يلوجولو على قضية، كل مرة تهمة و الكلهم فارغين.
بعيد على صغارو و عايلتو نهار عيد.
الله يفك غصرتك خويا و يرجعك لناسك و احبابك
ملاحظة للكلاب الشامتة بالنسبة ليا اي واحد عمل و لا سرق و لا غلط و لا تآمر الله لا يردو من عندي حتى ولو كان بي اللي جابني. اما انتم تكذبوا و تظلموا في الناس.
كلمتي قلتها و نعيش راجل و نموت راجل بحول الله و برشة تو يعرفو رواحهم كانو ينافقو فيه و جايبينها اصحابو و اليوم خايفين حتى من كلمة حق في ستاتي انا هاذم نحتقرهم اكثر ببرشة ماللي ضد و مع النظام الحالي و هو مقتنع هو عالاقل حر”.
شارك رأيك