تم استدعاء هيثم المكي، الاعلامي و الكرونيكور في برنامج ميدي شو على موزاييك اف ام، عشية اليوم للمثول لدى الادارة الفرعية للقضايا الإجرامية بادارة الشرطة العدلية مكتب 126 لسماعه كمشتكى به مع تذكيره في حقه باحضار محامي و ذلك يوم غد الجمعة 19 ماي على الساعة العاشرة صباحا…
و للتذكير، فقد رفعت أول أمس نقابة الأمن الداخلي شكاية ضد هيثم المكي على خلفية تصريحاته في ميدي شو ليوم الاثنين 15 ماي الجاري.
و هذا ما أكده عز الدين الجبالي الأمين العام للأمانة العامة لقوات الأمن الداخلي يوم أمس الأربعاء 17 ماي 2023، خلال مداخلة هاتفية مع برنامج في 90 دقيقة على إي أف أم، أنه تقرر مقاضاة الكرونيكور والإعلامي هيثم المكي.
وقال الجبالي:” شفنا الكلام فيه برشا تجريح ومس من كرامة الأمنيين، كلام يقول يدخل الأمن كان الفصايل والمجرمة وبياعة المخدرات ويدخلو بوساطة، حتى طرق المؤسسة الأمنية شكك فيها السيد هذا، الكلام هذا مسنا برشا ومس عايلاتنا، الواحد ما عادش ينجم يهز راسو ويوري وجهو في حتى بلاصة، الأمنيين يعني الكلنا تجار مخدرات، أحنا مجرمة وفصايل وندخلوا للأمن بش نفرضوا نفوذنا على أهالينا وولاد حومتنا وجيرانا، الكلام هذا مش معقول، والله حتى كان غلط هو تعدى على المباشر ومن المفروض إذاعة موزاييك ما تعاودش تهبطها على الصفحة متاعها وتخليها، يعني حاجة عادية جدا ولت أمني كي يتمس في شرفو وفي سمعتو قدام صغارو وقدام أنسابو، كلام يجرح برشا وجعنا برشا مسنا… فما بيناتنا القضاء… السيد تمادى في عديد المرات، مش أول مرة يجرح الأمنيين، خذينا قرار أنو القضاء هو الفيصل، مش بش يقعد هو يحكي ونحنا نجاوبوا”…”، نقلا عن إفم.
شارك رأيك