في تدوينة نشرها مساء اليوم الجمعة 19 ماي 2023 على حسابه الخاص بصفحات التواصل الاجتماعي بالفايسبوك، كشف هيثم المكي عن عدة جوانب للرأي العام بخصوص الشكاية التي رفعتها نقابة الأمانة العامة للأمن الداخلي ضده بسبب ابدائه لرأيه في ميدي شو بتاريخ الاثنين 15 ماي الجاري و ضد الياس الغربي كمسؤول في تقديم البرنامج:
“نحوصلو : سيقع سماعنا أنا و إلياس الغربي نهار الإثنين، العاشرة صباحا، لدى فرقة مكافحة الإجرام بالڨرجاني.
الموضوع : شكاية من نقابة أمنية بسبب حلقة الإثنين الفارط من ميدي شو، اللي حكينا فيها على نقائص منظومة انتداب الأمنيين و ضرورة إصلاحها، على خلفية عملية جربة.
تلقاو كل التفاصيل و الفيديوات في منشوراتي السابقة.
الشكاية تصبت نهار الإربعاء، جابوا لنا الاستدعاءات نهار الخميس، باش يسمعونا نهار الجمعة. طلبنا تأجيل السماع، أجلوه لنهار الإثنين.
ماشية صحيحة. و مزروبة.
طلبنا من وكيل الجمهورية تغيير الفرقة المتعهدة بالملف، أولا لأنها خصم و حكم (الشرطة تشكي بينا و تبحثنا)، و ثانيا لأن سرعة التعهد و التصميم على السماع في أقرب وقت يشيان بعدم حياد باحث البداية، و بوجود نية مبيتة لتوريطنا و إيقافنا. جرت العادة أن القضايا المرفوعة من طرف الشرطة تمشي للحرس، و العكس بالعكس. لكن المرة هاذي ما صارش هكة، و النيابة رفضت تغيير الفرقة.
ماشية صحيحة. و شادة صحيح.
و نحنا زادة”.
شارك رأيك