في تدوينة نشرتها على حسابها الخاص بالفايسبوك، أعلنت سارة الشواشي مساء اليوم الثلاثاء 13 جوان عن نجاحها الذي أهدته لوالدها “غازي الشواشي المعتقل السياسي” و الذي تعلمت عنه وفق ما كتبته، الفخر و الصبر و الأمل متمنية ظهور الحق الذي لن يتأخر كثيرا…
و من جهته، علق شقيقها يوسف بما يلي على صفحات التواصل الاجتماعي بالفايسبوك:
“أختي الصغيرة سارة نجحت اليوم
نجحت في السنة الرابعة طب.
كان عام صعيب عليها برشا في القراية بالضغط و الstress و كان أصعب خاصة في الشطر الثاني بعد اعتقال والدنا.
بابا الي كل ما نزوروه كان يسأل عليها و على قرايتها و يوصّي فيها بش تركّز و تنجح على خاطرو رغم الظّروف.
نجاحها اليوم ما ينجّم كان يزيد يقوّي غازي الشواشي داخل معتقله و يعطيه جرعة جديدة من الأمل بش يواصل نضاله و مقاومته للنظام القائم.
نظام راهن على إرهاب العائلات بإيقافات في اللّيل مخّر و محاولة وصمهم بعائلات لمجرمين و لمتآمرين و لإرهابيّين أياديهم ملطّخة بالدّماء. نظام راهن على تجويع العائلات بتجميد الأرصدة الماليّة و التّنكيل داخل السّجن بحرمان الزّيارات المباشرة و تتبّع و ترهيب حتى أبناء المعتقلين…
و كي العادة هالمنظومة تفشل في الحط من معنويّاتنا و خير دليل نجاح أختي اليوم كيما فشلت و مزالت تفشل في الحط من معنويّات المعتقلين.
مبروك Sara و برافو و انشالله نحتفلوا على قريب مع بابا
الحرّيّة لغازي الشواشي
الحرّيّة لكل المعتقلين السياسيّين”.
شارك رأيك