مقداد السهيلي رئيس نقابة الفنانين السابق يتكلم اليوم الأحد عن الفنان المصري أحمد سعد الذي أحيى مساء أمس السبت أول حفل له في تونس و الذي برمجته وزارة الشؤون الثقافية في سهرة 22 جويلية الجاري في مهرجان قرطاج الدولي. و في ما يلي ما نشره على صفحات التواصل الاجتماعي:
“بالله من فضلك انت تحب الفنان هذا.. امورك وذوقك ماندخلش فيه أما كي يولي تقييم فني يلزمك تحترم تقييمي على خاطر انت تحكم ذوقيا فقط .. ماتبداش تفتي وتصنف وترتب سي سعد ظاهرة عابرة خدمتها الماكينة المصرية … يوفاو البيلات يجيبوا غيرو .. علاش بصفة خاصة الفن… اللي يجي يولي يفهم.. ويحلل.. ويرمي في النواشن مالشباك .. هوما يسمعوا ويحترموا برشة راي اهل الاختصاص… مايجيش الناس الكل تحكي في كل شيء.. هبال.. خرم .. قاللو فنان كبير! صدقوني وهام اهل الاختصاص يعرفوا.. هو مغني.. اكثر مالعادي.. وصوتو يقلق في الوذن عاللخر.. بعد ماتسمعو دقيقتين تفد وتقلق وتسكتو … اما الماكينة المصرية واللبنانية.. ترسانة كبيرة… تفرز حسب مواصفات معينة.. وتقلم.. وتحجم..وتلبس.. وتدوش.. وتكتب.. وتلحن.. وتوزع.. وتنفذ.. وتربط وتحل بعقد معاه حبل بير.. وتاكل اللحمة.. وترميلو العظم.. وكيف يوفالو الشارج.. تجيب غيرو.. الصف طويل… الفنانين الكبار مايقبلوش الجو هذا.. وبفضل قدراتهم الفنية خلدوا وقعدت اساميهم في التاريخ … توة كل شي جوتابل.. إنه زمن مينابل … سامحوني هاني جبدت الكابل…”.
شارك رأيك