“-* ” خرشة “*-
يا عواطف يا “صغرونة”
يا متاع “الزمن الجميل”
شنوّة اليومة خرشك “بونا”
وما استناشي “نص الليل”..؟؟!!
جاكي في عز القيلولة
يلقاك “تجمر في البايت”
عملتي “الوطنية الأولى”
“كوجينة” للزمن الفايت..؟؟
قالك كبّيها “المرميطة”..
وابدي من “خمسة وعشرين”
“جويلية” و”حادثة البرويطة “
وانسي بورقيبة والزين
وكل من يرجع بينا لتالي
“خاين.. متامر.. عميل”
وانا مانيشي بوهالي
باش نخلي الكفة تميل
و”الجمال” هوّ جَمالي
وانا وحدي “الزمن الجميل” ..؟!!
وانتي قصّرتي في حالي
زيدي “تزمير وتطبيل”..؟؟!!
يا عواطف..؟؟؟”
شارك رأيك