ردة فعل قوية: برافو سيد مدير المهرجان وكل الدعم و هذا المسؤول إلي مانجمو كان نفتخرو بيه ،نحترمو الناس نقدمو بعض التنازالات لإنجاح العرض نحاولو نعملو إلي علينا لكن إذا الطرف المقابل مايحترمناش و مايقدمش تنازالات زادة ويخمم كان في روحو ماحاشتناش بيه لا ليوم ولا غدوة ومهما يكون إسمو موش باش يكون أكبر منا ،المسرح إلي غنى فيه صابر الرباعي وبلطي ولطفي بوشناق ومحمد الجبالي و عديد وعديد الأسماء إلي عندها وزنها وتاريخها موش باش تجي إنسانة بلا مبادئ وجيعانة تمشي علينا شروطها وتقلل من إحترامنا
وصدقوني عمري ماسمعت بفنانة إسمها مريم نورالدين يمكن مشهورة فالكاباريات و البواطات أما عالمسارح ماتتصنفش من الفنانات المشهورات.
نعاود نقول برافو مراد باشا والهيئة المديرة على إتخاذ القرار هذا القوي والشجاع وعدم الرضوخ للظغط ،تحترمنا نحترموك ونحطوك فوق روسنا تاج ماتحترمناش مانراوكش حتى بشطر عين
ونهار إلي يتبرمج عرض للإنسانة هذي في مكنين مستقبلا تأكدو إني شنكون أول الرافضين حتى ولو كان العرض مجاني
الإحترام بالإحترام و قلة الإحترام نقابلها بالحقرة
حمد لله طالع جيل جديد في مكنين مايرشفها لحد و نتعاملو الند بالند مع أي جهة سوى رياضيا سوى ثقافيا سوى سياسيا وفي أي ميدان كان
إنتهى زمن تقزيم المكنين والتقليل من إحترامنا…
شارك رأيك