في ما يلي رأي الصحفي حبيب الطرابلسي بخصوص حفل لطيفة العرفاوي الذي أثار الجدل مساء أمس الأحد المتزامن مع العيد الوطني للمرأة التونسية و الذكرى ال67 لصدور مجلة الأحوال الشخصية:
” باش ماننساش ، شوية ملاحظات على حفلة لطيفة:
اولا انا مشيت و غنيت و شطحت (ان شاء الله سي الفاضل مايتغشش) شخت برشا على الفيديو الي عداوه قبل الحفل و فيه تاريخ لطيفة الكل، و اكيد هذه فكرة لطيفة وانحييها عليها.
يمكن لطيفة تاعبة او مريضة وهذا واضح تقريبا في الغنايات الكل الي مافمة حتى غناية غناتها كاملة و كانت تركي الكورة للجمهور لطيفة استقبلت كورال سيدي سامي و قالت جابتهم على خاتر سمعتهم يغنيو و جابت الكورال و ماغناو شي، شطحو معاها و اصلا الغناية كانت بلاي باك
لقطة العرايس موش حلوة حتى طرف و أجزم اناها مركبة و موش تلقائية على خاترهم موجودين من قبل وقت الحفلة و قعدو للاخر حبينا والا كرهنا، لطيفة قدمت برشا غنايات قعدو لليوم يتغناو ولازم تقعد تتعمللها حفلات لانو الفنان في قيمتها الفنية يدخل توة في مرحلة الاعتراف بالمشوار و هذا يزيد يخليه يقدم اكثر
اخر حاجة من الجمهور و المأوى السولد اوت ماكانش بالتساكر ، انما بالضيوف مهما كانت نجومية الفنان، اما كي تغني مع اوركاستر لازم تحترم قائد الاوركاستر و العازفين لنو لطيفة عدات سهرية كاملة و هي يدها ورا ضهرها و هي هي تسكت فيهم هاي تقص بالاشارات الغريبة
سامحونا عاد”.
شارك رأيك