بعد تناقل بكل أسف، اليوم الأربعاء 16 أوت، خبر انتهاء الرحلة لحقائق اون لاين، من المواقع النادرة التي تنفرد بالمصداقية و المهنية، نشر محمد اليوسفي ما يلي على صفحات التواصل الاجتماعي بالفايسبوك:
“حقائق اون لاين هي جزء من ذكرياتي
ووجداني…حقائق أون لاين هي المدرسة الكبيرة اللي تعلمت فيها أساسيات الصحافة في البدايات…حقائق أون لاين هي الفضاء اللي فهمت فيه معنى الصحافة الجدية والصحافة المهنية والصحافة الحرّة والمستقلّة وتعلمت فيه قيمة وأهمية الصحافة خاصة كيف يكون عندها ظوافر تخبش بيهم …حقائق أون لاين هي والزميل هادي يحمد هوما اللي صنعو شخصيتي الصحفية وهويتي المهنية في بدايات الطريق لهذا انا نبقى ديما مدين ليهم …انا حزين اليوم لقرار اغلاق المؤسسة اللي صنعت مني في جزء كبير محمد اليوسفي متاع اليوم…انا حزين بسبب البطالة اللي اصبح عليها زملائي في المؤسسة اللي هوما من خيرة الصحفيين والصحفيات في القطاع…انا حزين ايضا لانو البلاد مرة اخرى تخسر منبر حرّ ومهني عطا فرصة كبيرة لبرشة شباب في القطاع الصحفي باش يثبتو انو الصحافة مهنة نبيلة ومهنة فيها مسؤولية كبيرة وانو الرداءة ماهيش قدرنا…نتمنى انو الخبر يكون اشاعة ولكن للاسف المعلومة صحيحة.
تضامني المطلق مع بسام، هبة ،مروى وكل العاملات والعاملين في المؤسسة وانا واثق انو بلاصتهم موجودة في القطاع رغم خيبة اغلاق المؤسسة بعد 10 سنوات من التأسيس اللي كان شاق وصعب جدا”.
شارك رأيك