في التدوبنة التالية التي نشرتها ظهر اليوم على صفحات التواصل الاجتماعي، وجهت الاستاذة المحامية دليلة بن مبارك امصدق كلمة طمأنة لشقيقها في السجن بخصوص مصير نجله يوسف:
” وكيما خططت انت واياه سنوات من قبل تم قبوله في اكبر المدارس العليا في اوروبا لمواصلة دراساته العليا كمهندس كهرباء واتصالات .
وكيما توقعت انت رفضت الدولة التونسية تمكينه من منحة دراسة رغم انه نجح الثاني في كلية المهندسين بتونس وعطات المنحة للأول والثالث ونڤزت الثاني اللي هو يوسف…
لكن العكري عرف قيمتوا وعطاه منحة هايلة وقالوا اجا برك مرحبا بالكفاءات…
تفكرت دموعك وانتي تقلي خسارة ما كنتش معاه … ما حضرتلوش دبشوا…
ما وصلتوش للمطار… ما عنقتوش وما بستوش وما وصيتوش على روحوا…
ميسالش كل شىء يتعدى ويوسف سيد الرجال قوي وذكي وبنين وعسل الدنيا ومستقبلوا قداموا وباش يهزلك راسك للعالي…
واللي ظلموك وظلموا يوسف اتفه من انوا الواحد يسبهم هم في القاع وسيبقون هناك فهو مكانهم الطبيعي…
فخورة بك يوسف وفخورة بك اخي …
انتم الابطال وهم امامكم اقزام فلا تهتم
Youssef Ben Mbarek…:.
شارك رأيك