في تصريح إذاعي عبر الهاتف لبرنامج راف ماغ Raf Mag على للديوان اف إم، اليوم الجمعة 22 سبتمبر 2023، تحدث رسام الكاريكاتور توفيق عمران عن كيفية إيقافه عشية أمس الخميس 21 سبتمبر دون استدعائه و السماع له لمدة ساعتين بخصوص إيحاءات رسوم ساخرة لرئيس الحكومة احمد الحشاني. الفيديو.
روى رسام الكاريكاتور كيف تم استنطاقه من طرف أعوان مركز شرطة مقرين جنوب تونس العاصمة قبل أن يتم نقله بعد ذلك على الساعة العاشرة ليلا إلى مركز الإيقاف ببوشوشة بضاحية باردو غرب العاصمة ثم إطلاق سراحه بإذن من النيابة العمومية على الساعة الثانية صباحا. و يقول عمران ما يلي: “روحت أنا و بنتي من الخدمة نلقاو كرهبة شرطة قدام الدار تستنى فينا قالولي بش تمشي معانا بش نسألوك شوية أسئلة و تروح و تو احنا نوصلوك. وصلنا دخلوني لبيت فيها بحّاث. قالي عندك شيك بدون رصيد سي توفيق، قتلو ما فيباليش و عندي 8 سنين ما نستعملش شيكات و كان ثمة حاجة قديمة وروهالي و أنا سافرت عديد المرات و ما عندي شيء. بعد قالولي تنجم تفسرلنا التصاور الي تعمل فيهم اش تقصد بيهم؟ و جبدولي رسوم مطبوعة و قالولي كيف رئيس الحكومة يرى حاجة هكة هو و بنتو يتقلق ولا ما يتقلقش؟ قتلو هذا فن كاريكاتير ولازم يكون فيه استفزاز و أنا مش مسؤول على كيفية فهم المتلقي لي و تواصل النقاش… قعدت من 5 متاع العشية لل 10 في مركز مقرين بعد قالولي بش تبقى معانا و قالولي كان عندك دواء جيبو و قالولي نحي السبتة و نحي هاك المنقالة و المرايات… و هزوني لبوشوشة و قعدت من العشية متاع الليل حتى لساعتين و نصف متاع الصباح… المعاملة الحق كانت محترمة لا اعتداء لفظي و لا إهانة جسدية. و في حدود الساعة الثانية و نص صباحا قالولي بش تروح، جانا توة قرار أخر من النيابة باطلاق سراحك”… فيديو.
والواضح من هذه الرواية أن ردود الفعل الكبيرة الناقدة للسلطة لاعتداءاتها المتكررة على حرية التعبير و حقوق الإنسان هي التي أجبرت السلطة السياسية و موظفي القضاء إلى التراجع عن عملية الإيقاف.
شارك رأيك