ردا على ما تم تداوله بخصوص مشاركة صابر الرباعي في مهرجان بالسعودية تزامنا مع الحرب التي يشنها الاحتلال على قطاع غزة واستشهاد الألاف، أغلبيتهم من الأطفال و النساء، كتب ماهر الحمامي عن نقابة الفنانين ما يلي:
“مؤسف جدا اني نشوف صحافيين قاعدين فالدار واشباههم يتربعون فالمنابر الاعلامية. الخياطة الي ولات صحفية،المعلم الي اصبح له برنامج،العساس الذي اصبح كرونيكور الخ الخ الخ(مع احترامي للمهن إلي ذكرتها ) .اقعدو ساكتين ياصحافيين على حقكم وبلايصكم الي تفكت من الاشباه.
مؤسف جدا..الحملة القذرة على الفنان العربي والتونسي ورغما عن انفكم وعن مستواكم المنحط،الفنان صابر الرباعي،مانيش باش نعلق على برنامج jdt خاطر برنامج ميت يعوم ضد التيار وخالف تعرف.اليوم اكتشفت حقد وكره وخطة ممنهجة ضد صابر الرباعي بطلها منشط وكرونيكور. بالنسبة للمنشط سي برهان بسيس من الصباح ماعندو مايحكي كان على صابر،وسمح لشيء اسمه نجيب الدزيري باش يسب ويهين ويتطاول على الفنان التونسي. سي برهان عيب نعفسو في انسان وانت اكيد تتذكر شنو صارلك بعد الثورة وقداش التوانسة نزلو عليك ومارحموكش،عيب تعمر شيء بجنبك يقول كلام خارج عن السياق ووصل حتى للثلب والسب والتشهير اذاعيا وتلفزيا. يدور يدور ويحكي قداش خلص صابر.انت هذا إلي قلقك ؟ هذا الي وجعك؟
من فضلكم …ماتبداوش تتزايدو علينا وعلى القضية. وكيف قلت قبل تحبو الفنان يشد الدار. الناس الكل تشد الدار….
صابر الرباعي نجم عربي رغما عنكم جميعا….”.
الهادي زعيم في نجوم على موزاييك اف ام، أعطى الكلمة لسفيان بسيس…
شارك رأيك